ఆతఁ డితఁడా వెన్న
ఆతఁ డితఁడా వెన్న లంతట దొంగిలినాఁడు
యేతులకు మద్దులు రెండిలఁ దోసినాఁడు // పల్లవి //
యీతఁడా దేవకిగన్నయింద్రనీలమాణికము
పూతకిచన్ను దాగి పొదలినాఁడు
యీతఁడా వసుదేవునియింటిలో నిధానము
చేతనే కంసునిఁ బుట్టచెండుసేసినాఁడు // ఆతఁ //
మేటియైనగొంతిదేవిమేనల్లుఁ డీతఁడా
కోటికిఁ బడెగెగాను కొండ యెత్తెను
పాటించి పెంచేయశోదపాలి భాగ్య మీతఁడా
వాటమై గొల్లెతలను వలపించినాఁడు // ఆతఁ //
ముగురువేలుపులకు మూలభూతి యీతఁడా
జిగి నావులఁ బేయలఁ జేరి కాచెను
మిగుల శ్రీవేంకటాద్రిమీఁదిదైవ మితడా
తగి రామకృష్ణావతార మందె నిప్పుడు // ఆతఁ //
Ata DitaDA venna laMtaTa doMgilinADu
yEtulaku maddulu reMDila dOsinADu // pallavi //
yItaDA dEvakigannayiMdranIlamANikamu
pUtakichannu dAgi podalinADu
yITaDA vasudEvuniyiMTilO nidhAnamu
chEtanE kaMsuni buTTacheMDusEsinADu // Ata //
mETiyainagoMtidEvimEnallu DItaDA
kOTiki baDegegAnu koMDa yettenu
pATiMchi peMchEyaSOdapAli bhAgya mItaDA
vATamai golletalanu valapiMchinADu // Ata //
muguruvElupulaku mUlabhUti yItaDA
jigi nAvula bEyala jEri kAchenu
migula SrIvEMkaTAdrimIdidaiva mitaDA
tagi rAmakRShNAvatAra maMde nippuDu // Ata //
బయటి లింకులు మార్చు
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |