ఆంధ్ర కవుల చరిత్రము - మూడవ భాగము/ముద్దుపళని
అనంతరాజు జన్నయకవి.
ఇతడు కామకథాభిరామమను పదియాశ్వాసముల మహాకావ్యమును రచియించెను. ఈకవి నియోగి బ్రాహ్మణుడు, జన్నపమంత్రిపౌత్రుడు; అమ్మయామాత్యపుత్రుడు. ఇతడేకాలమునందుండినవాడో తెలియరాలేదుగాని నూటయేబదియేండ్ల క్రిందటివాడయి యుండవచ్చును. ఈపుస్తకమునందలి కథ శ్రీరామచరిత్రమౌట దీని నామముచేతనే తెల్లమగుచున్నది. ఈతని కవిత్వము నాతికఠినమయి మృదుపద గుంభితమయి కర్ణరసాయనముగా నున్నది. రామకథాభిరామములోని రెండు మూడు పద్యము లిందుదాహరింపబడుచున్నవి.
ముద్దుపళని.
ముద్దుపళని పద్యకావ్యములు చేసినస్త్రీలలో నొకతె. మొల్ల రచియించిన రామాయణముగూర్చి రెండవభాగమునందే తెలుపబడినది. మోహనాంగి యను నామె మారీచిపరిణయమును రచియించినట్లు చెప్పుటయేకాని పుస్తకము లభింపలేదు. మొదట బద్యకావ్యములను రచించినవా రిరువురును కులాంగనలు; ఈముద్దుపళని వేశ్యాంగన. ఇది రాధికాసాంత్వన మను నాలుగాశ్వసముల శృంగారప్రబంధమును పుట:Aandhra kavula charitramu muudava bhaagamu.pdf/107
కంకటి పాపరాజు.
ఈకవి యాఱువేలనియోగిబ్రాహ్మణుడు. ఇతడు తనయుత్తరరామాయణము నం దాఱువేలవారి నిట్లు వర్ణించుచున్నాడు--