అహో నమో నమో
అహో నమో నమో ఆదిపురుష నీకు
ఈహల నెంతవాడను ఎట్టుగాచితివి // పల్లవి //
లోకాలోకములు లోన నించుకొన్న నీవు
ఈకడ నా యాత్మలోన నెట్టణగితివి
ఆకడ వేదములకు నగోచరమైన నీవు
వాక్కుచే నీ నామముల వడి నెట్టణగితివి // అహో నమో //
అన్నిటా బ్రహ్మాదుల యజ్ఞ భోక్తవైన నీవు
అన్న పానాదు లివి యెట్టారగించితివి
సన్నుతి పూర్ణుడవై జనియించిన నీవు
వున్నతి నా పుట్టుగలో వొకచో నెట్టుంటివి // అహో నమో //
దేవతలచే పూజ తివిరి గొనిన నీవు
ఈవల నాచే పూజ ఎట్టుగొంటివి
శ్రీ వేంకటాద్రి మీద సిరితో గూడిన నీవు
ఈ వీధి మా యింట ఇపుడెట్టు నిలిచితివి // అహో నమో //
ahO namO namO AdipuruSha nIku
Ihala neMtavADanu eTTugAcitivi
lOkAlOkamulu lOna niMcukonna nIvu
IkaDa nA yAtmalOna neTTaNagitivi
AkaDa vEdamulaku nagOcaramaina nIvu
vAkkucE nI nAmamula vaDi neTTaNagitivi
anniTA brahmAdula yaj~ja BOktavaina nIvu
anna pAnAdu livi yeTTAragiMcitivi
sannuti pUrNuDavai janiyiMcina nIvu
vunnati nA puTTugalO vokacO neTTuMTivi
dEvatalacE pUja tiviri gonina nIvu
Ivala nAcE pUja eTTugoMTivi
SrI vEMkaTAdri mIda siritO gUDina nIvu
I vIdhi mA yiMTa ipuDeTTu nilicitivi
బయటి లింకులు
మార్చు
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |