అయ్యోపోయ బ్రాయము
అయ్యో పోయఁ బ్రాయముఁ గాలము
ముయ్యంచుమనసున నే మోహమతి నైతి // పల్లవి //
చుట్టంబులా తనకు సుతులుఁగాంతలుఁ జెలులు
వట్టియాసలఁ బెట్టువారేకాక
నెట్టుకొని వీరు గడునిజమనుచు హరి నాత్మఁ
బెట్టనేరక వృథా పిరివీకులైతి // అయ్యో //
తగుబంధులా తనకుఁ దల్లులునుఁ దండ్రులును
వగలఁ బెట్టుచుఁ దిరుగువారేకాక
మిగుల వీరలపొందు మేలనుచు హరి నాత్మఁ
దగిలించలేక చింతాపరుఁడనైతి // అయ్యో //
అంతహితులా తనకు నన్నలునుఁ దమ్ములును
వంతువాసికిఁ బెనఁగువారేకాక
అంతరాత్ముఁడు వేంకటాద్రీశుఁ గొలువ కిటు
సంతకూటములయలజడికి లోనైతి // అయ్యో //
ayyO pOya brAyamu gAlamu
muyyaMchumanasuna nE mOhamati naiti // pallavi //
chuTTaMbulA tanaku sutulugAMtalu jelulu
vaTTiyAsala beTTuvArEkAka
neTTukoni vIru gaDunijamanuchu hari nAtma
beTTanEraka vRuthA pirivIkulaiti // ayyO //
tagubaMdhulA tanaku dallulunu daMDrulunu
vagala beTTuchu diruguvArEkAka
migula vIralapoMdu mElanuchu hari nAtma
dagiliMchalEka chiMtAparuDanaiti // ayyO //
aMtahitulA tanaku nannalunu dammulunu
vaMtuvAsiki benaguvArEkAka
aMtarAtmuDu vEMkaTAdrISu goluva kiTu
saMtakUTamulayalajaDiki lOnaiti // ayyO //
బయటి లింకులు
మార్చు
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |