అన్నియును నతనికృత్యములే
అన్నియును నతనికృత్యములే
ఎన్నియైనా నవు నతడేమి సేసినను // పల్లవి //
అణురేణు పరిపూర్ణుడవలి మోమైతేను
అణువౌను కమలభవాండమైన
ఫణిశయనుని కృపాపరిపూర్ణ మైతే
తృణమైన మేరువౌ స్థిరముగా నపుడే // అన్నియును //
పురుషోత్తముని భక్తి పొరపొచ్చమైతే
ఎరవులౌ నిజసిరులు ఎన్నైనను
హరిమీదిచింత పాయక నిజంబైతే
నిరతి బట్టినవెల్లా నిధానములే // అన్నియును //
మదనగురునిసేవ మదికి వెగటైతేను
పదివేలు పుణ్యములు పాపంబులే
పదిలమై వేంకటపతిభక్తి గలిగితేను
తుదిపదంబునకెల్ల దొడవవు నపుడే // అన్నియును //
anniyunu natanikRutyamulE
enniyainA navu nataDEmi sEsinanu
aNurENu paripUrNuDavali mOmaitEnu
aNuvaunu kamalaBavAMDamaina
PaNiSayanuni kRupAparipUrNa maitE
tRuNamaina mEruvau sthiramugA napuDE
puruShOttamuni Bakti porapoccamaitE
eravulau nijasirulu ennainanu
harimIdiciMta pAyaka nijaMbaitE
nirati baTTinavellA nidhAnamulE
madanagurunisEva madiki vegaTaitEnu
padivElu puNyamulu pApaMbulE
padilamai vEMkaTapatiBakti galigitEnu
tudipadaMbunakella doDavavu napuDE
బయటి లింకులు
మార్చు
| అన్నమయ్య పాటలు | 
|
|---|---|
| అ | ఆ | ఇ | ఈ | ఉ | ఊ | ఋ | ౠ | ఎ | ఏ | ఐ | ఒ | ఓ | ఔ | అం | అః | క | ఖ | గ | ఘ | ఙ | చ | ఛ | జ | ఝ | ఞ | ట | ఠ | డ | ఢ | ణ | త | థ | ద | ధ | న | ప | ఫ | బ | భ | మ | య | ర | ల | వ | శ | ష | స | హ | ళ | ఱ
| |