అధర్వణవేదము - కాండము 9 - సూక్తము 5
| ←ముందరి అధ్యాయము | అధర్వణవేదము (అధర్వణవేదము - కాండము 9 - సూక్తము 5) | తరువాతి అధ్యాయము→ |
ఆ నయైతమా రభస్వ సుకృతాం లోకమపి గఛతు ప్రజానన్ |
తీర్త్వా తమాంసి బహుధా మహాన్త్యజో నాకమా క్రమతాం తృతీయమ్ ||1||
ఇన్ద్రాయ భాగం పరి త్వా నయామ్యస్మిన్యజ్ఞే యజమానాయ సూరిమ్ |
యే నో ద్విషన్త్యను తాన్రభస్వానాగసో యజమానస్య వీరాః ||2||
ప్ర పదో ऽవ నేనిగ్ధి దుశ్చరితం యచ్చచార శుద్ధైః శపైరా క్రమతాం ప్రజానన్ |
తీర్త్వా తమాంసి బహుధా విపశ్యన్నజో నాకమా క్రమతాం తృతీయమ్ ||3||
అనుఛ్య శ్యామేన త్వచమేతాం విశస్తర్యథాపర్వసినా మాభి మంస్థాః |
మాభి ద్రుహః పరుశః కల్పయైనం తృతీయే నాకే అధి వి శ్రయైనమ్ ||4||
ఋచా కుమ్భీమధ్యగ్నౌ శ్రయామ్యా సిఞ్చోదకమవ ధేహ్యేనమ్ |
పర్యాధత్తాగ్నినా శమితారః సృతో గఛతు సుకృతాం యత్ర లోకః ||5||
ఉత్కామాతః పరి చేదతప్తస్తప్తాచ్చరోరధి నాకం తృతీయమ్ |
అగ్నేరగ్నిరధి సం బభూవిథ జ్యోతిష్మన్తమభి లోకం జయైతమ్ ||6||
అజో అగ్నిరజము జ్యోతిరాహురజం జీవతా బ్రహ్మణే దేయమాహుః |
అజస్తమాంస్యప హన్తి దూరమస్మింల్లోకే శ్రద్దధానేన దత్తః ||7||
పఞ్చౌదనః పఞ్చధా వి క్రమతామాక్రంస్యమానస్త్రీణి జ్యోతీంషి |
ఈజానానాం సుకృతాం ప్రేహి మధ్యం తృతీయే నాకే అధి వి శ్రయస్వ ||8||
అజా రోహ సుకృతాం యత్ర లోకః శరభో న చత్తో ऽతి దుర్గాన్యేషః |
పఞ్చౌదనో బ్రహ్మణే దీయమానః స దాతారం తృప్త్యా తర్పయాతి ||9||
అజస్త్రినాకే త్రిదివే త్రిపృష్ఠే నాకస్య పృష్ఠే దదివాంసం దధాతి |
పఞ్చౌదనో బ్రహ్మణే దీయమానో విశ్వరూపా ధేనుః కామదుఘాస్యేకా ||10||
ఏతద్వో జ్యోతిః పితరస్తృతీయం పఞ్చౌదనం బ్రహ్మణే ऽజం దదాతి |
అజస్తమాంస్యప హన్తి దూరమస్మింల్లోకే శ్రద్దధానేన దత్తః ||11||
ఈజానానాం సుకృతాం లోకమీప్సన్పఞ్చౌదనం బ్రహ్మణే ऽజం దదాతి |
స వ్యాప్తిమభి లోకం జయైతం శివో3 ऽస్మభ్యం ప్రతిగృహీతో అస్తు ||12||
అజో హ్యగ్నేరజనిష్ట శోకాద్విప్రో విప్రస్య సహసో విపశ్చిత్ |
ఇష్టం పూర్తమభిపూర్తం వషట్కృతం తద్దేవా ఋతుశః కల్పయన్తు ||13||
అమోతం వాసో దద్యాద్ధిరణ్యమపి దక్షిణామ్ |
తథా లోకాన్త్సమాప్నోతి యే దివ్యా యే చ పార్థివాః ||14||
ఏతాస్త్వాజోప యన్తు ధారాః సోమ్యా దేవీర్ఘృతపృష్ఠా మధుశ్చుతః |
స్తభాన్పృథివీముత ద్యాం నాకస్య పృష్ఠే ऽధి సప్తరశ్మౌ ||15||
అజో ऽస్యజ స్వర్గో ऽసి త్వయా లోకమఙ్గిరసః ప్రాజానన్ |
తం లోకం పుణ్యం ప్ర జ్ఞేషమ్ ||16||
యేనా సహస్రం వహసి యేనాగ్నే సర్వవేదసమ్ |
తేనేమం యజ్ఞం నో వహ స్వర్దేవేషు గన్తవే ||17||
అజః పక్వః స్వర్గే లోకే దధాతి పఞ్చౌదనో నిరృతిం బాధమానః |
తేన లోకాన్త్సూర్యవతో జయేమ ||18||
యం బ్రాహ్మణే నిదధే యం చ విక్షు యా విప్రుష ఓదనానామజస్య |
సర్వం తదగ్నే సుకృతస్య లోకే జానీతాన్నః సంగమనే పథీనామ్ ||19||
అజో వా ఇదమగ్నే వ్యక్రమత తస్యోర ఇయమభవద్ద్యౌః పృష్టిహమ్ |
అన్తరిక్షం మధ్యమ్దిశః పార్శ్వే సముద్రౌ కుక్షీ ||20||
సత్యం చ ర్తం చ చక్షుషీ విశ్వం సత్యం శ్రద్ధా ప్రాణో విరాట్శిరః |
ఏష వా అపరిమితో యజ్ఞో యదజః పఞ్చౌదనః ||21||
అపరిమితమేవ యజ్ఞమాప్నోత్యపరిమితం లోకమవ రున్ద్ధే |
యో3 ऽజం పఞ్చౌదనం దక్షిణాజ్యోతిషం దదాతి ||22||
నాస్యాస్థీని భిన్ద్యాన్న మజ్జ్ఞో నిర్ధయేత్ |
సర్వమేనం సమాదాయేదమిదం ప్ర వేశయేత్ ||23||
ఇదమిదమేవాస్య రూపం భవతి తేనైనం సం గమయతి |
ఇషం మహ ఊర్జమస్మై దుహే యో3 ऽజం పఞ్చౌదనమ్దక్షిణాజ్యోతిషం దదాతి ||24||
పఞ్చ రుక్మా పఞ్చ నవాని వస్త్రా పఞ్చాస్మై ధేనవః కామదుఘా భవన్తి |
యో3 ऽజం పఞ్చౌదనం దక్షిణాజ్యోతిషం దదాతి ||25||
పఞ్చ రుక్మా జ్యోతిరస్మై భవన్తి వర్మ వాసాంసి తన్వే భవన్తి |
స్వర్గం లోకమశ్నుతే యో3 ऽజం పఞ్చౌదనం దక్షిణాజ్యోతిషమ్దదాతి ||26||
యా పూర్వం పతిం విత్త్వా ऽథాన్యం విన్దతే ऽపరమ్ |
పఞ్చౌదనం చ తావజం దదాతో న వి యోషతః ||27||
సమానలోకో భవతి పునర్భువాపరః పతిః |
యో3 ऽజం పఞ్చౌదనమ్దక్షిణాజ్యోతిషం దదాతి ||28||
అనుపూర్వవత్సాం ధేనుమనడ్వాహముపబర్హణమ్ |
వాసో హిరణ్యం దత్త్వా తే యన్తి దివముత్తమామ్ ||29||
ఆత్మానం పితరం పుత్రం పౌత్రం పితామహమ్ |
జాయాం జనిత్రీం మాతరం యే ప్రియాస్తానుప హ్వయే ||30||
యో వై నైదాఘం నామ ర్తుం వేద |
ఏష వై నైదాఘో నామ ర్తుర్యదజః పఞ్చౌదనః |
నిరేవాప్రియస్య భ్రాతృవ్యస్య శ్రియం దహతి భవత్యాత్మనా |
యో3 ऽజం పఞ్చౌదనం దక్షిణాజ్యోతిషం దదాతి ||31||
యో వై కుర్వన్తం నామ ర్తుం వేద |
కుర్వతీంకుర్వతీమేవాప్రియస్య భ్రాతృవ్యస్య శ్రియం ఆ దత్తే |
ఏష వై కుర్వన్నామ ర్తుర్యదజః పఞ్చౌదనః |
నిరేవాప్రియస్య భ్రాతృవ్యస్య శ్రియం దహతి భవత్యాత్మనా యో3 ऽజం పఞ్చౌదనం దక్షినాజ్యోతిషం దదాతి ||32||
యో వై సంయన్తం నామ ర్తుం వేద |
సంయతీంసంయతీమేవాప్రియస్య భ్రాతృవ్యస్య శ్రియం ఆ దత్తే |
ఏష వై సంయన్నామ ర్తుర్యదజః పఞ్చౌదనః |
నిరేవాప్రియస్య భ్రాతృవ్యస్య శ్రియం దహతి భవత్యాత్మనా యో3 ऽజం పఞ్చౌదనం దక్షిణాజ్యోతిషం దదాతి ||33||
యో వై పిన్వన్తం నామ ర్తుమ్వేద |
పిన్వతీంపిన్వతీమేవాప్రియస్య భ్రాతృవ్యస్య శ్రియం ఆ దత్తే |
ఏష వై పిన్వన్నామ ర్తుర్యదజః పఞ్చౌదనః |
నిరేవాప్రియస్య భ్రాతృవ్యస్య శ్రియం దహతి భవత్యాత్మనా యో3 ऽజం పఞ్చౌదనం దక్షినాజ్యోతిషం దదాతి ||34||
యో వా ఉద్యన్తం నామ ర్తుం వేద |
ఉద్యతీంఉద్యతీమేవాప్రియస్య భ్రాతృవ్యస్య శ్రియం ఆ దత్తే |
ఏష వా ఉద్యన్న్నామ ర్తుర్యదజః పఞ్చౌదనః |
నిరేవాప్రియస్య భ్రాతృవ్యస్య శ్రియం దహతి భవత్యాత్మనా యో3 ऽజం పఞ్చౌదనం దక్సిణాజ్యోతిషమ్దదాతి ||35||
యో వా అభిభువం నామ ర్తుం వేద |
అభిభవన్తీమభిభవన్తీమేవాప్రియస్య భ్రాతృవ్యస్య శ్రియం ఆ దత్తే |
ఏష వా అభిభూర్నామ ర్తుర్యదజః పఞ్చౌదనః |
నిరేవాప్రియస్య భ్రాతృవ్యస్య శ్రియం దహతి భవత్యాత్మనా |
యో3 ऽజం పఞ్చౌదనం దక్షినాజ్యోతిషం దదాతి ||36||
అజం చ పచత పఞ్చ చౌదనాన్ |
సర్వా దిశః సంమనసః సధ్రీచీః సాన్తర్దేశాః ప్రతి గృహ్నన్తు త ఏతమ్ ||37||
తాస్తే రక్షన్తు తవ తుభ్యమేతం తాభ్య ఆజ్యం హవిరిదం జుహోమి ||38||
| ←ముందరి అధ్యాయము | అధర్వణవేదము | తరువాతి అధ్యాయము→ |