అధర్వణవేదము - కాండము 7 - సూక్తములు 11 నుండి 20 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 7 - సూక్తములు 11 నుండి 20 వరకూ) | తరువాతి అధ్యాయము→ |
అధర్వణవేదము - కాండము 7 - సూక్తము 11
మార్చుయస్తే పృథు స్తనయిత్నుర్య ఋష్వో దైవః కేతుర్విశ్వమాభూషతీదమ్ |
మా నో వధీర్విద్యుతా దేవ సస్యం మోత వధీ రశ్మిభిః సూర్యస్య ||1||
అధర్వణవేదము - కాండము 7 - సూక్తము 12
మార్చుసభా చ మా సమితిశ్చావతాం ప్రజాపతేర్దుహితరౌ సంవిదానే |
యేనా సంగఛా ఉప మా స శిక్షాచ్చారు వదాని పితరహ్సంగతేషు ||1||
విద్మ తే సభే నామ నరిష్టా నామ వా అసి |
యే తే కే చ సభాసదస్తే మే సన్తు సవాచసః ||2||
ఏషామహం సమాసీనానాం వర్చో విజ్ఞానమా దదే |
అస్యాః సర్వస్యాః సంసదో మామిన్ద్ర భగినం కృణు ||3||
యద్వో మనః పరాగతం యద్బద్ధమిహ వేహ వా |
తద్వ ఆ వర్తయామసి మయి వో రమతాం మనః ||4||
అధర్వణవేదము - కాండము 7 - సూక్తము 13
మార్చుయథా సూర్యో నక్షత్రాణాముద్యంస్తేజాంస్యాదదే |
ఏవా స్త్రీణాం చ పుంసాం చ ద్విషతాం వర్చ ఆ దదే ||1||
యావన్తో మా సపత్నానామాయన్తం ప్రతిపశ్యథ |
ఉద్యన్త్సూర్య ఇవ సుప్తానాం ద్విషతామ్వర్చ ఆ దదే ||2||
అధర్వణవేదము - కాండము 7 - సూక్తము 14
మార్చుఅభి త్యం దేవం సవితారమోణ్యోః కవిక్రతుమ్ |
అర్చామి సత్యసవం రత్నధామభి ప్రియం మతిమ్ ||1||
ఉర్ధ్వా యస్యామతిర్భా అదిద్యుతత్సవీమని |
హిరణ్యపాణిరమిమీత సుక్రతుః కృపాత్స్వః ||2||
సావీర్హి దేవ ప్రథమాయ పిత్రే వర్ష్మాణమస్మై వరిమాణమస్మై |
అథాస్మభ్యం సవితర్వార్యాణి దివోదివ ఆ సువా భూరి పశ్వః ||3||
దమూనా దేవః సవితా వరేణ్యో దధద్రత్నం పితృభ్య ఆయూంషి |
పిబాత్సోమం మమదదేనమిష్టే పరిజ్మా చిత్క్రమతే అస్య ధర్మణి ||4||
అధర్వణవేదము - కాండము 7 - సూక్తము 15
మార్చుతాం సవితః సత్యసవాం సుచిత్రామాహం వృణే సుమతిం విశ్వవారామ్ |
యామస్య కణ్వో అదుహత్ప్రపీనాం సహస్రధారాం మహిషో భగాయ ||1||
అధర్వణవేదము - కాండము 7 - సూక్తము 16
మార్చుబృహస్పతే సవితర్వర్ధయైనం జ్యోతయైనం మహతే సౌభగాయ |
సంశితం చిత్సంతరం సం శిశాధి విశ్వ ఏనమను మదన్తు దేవాః ||1||
అధర్వణవేదము - కాండము 7 - సూక్తము 17
మార్చుధాతా దధాతు నో రయిమీశానో జగతస్పతిః |
స నః పూర్ణేన యఛతు ||1||
ధాతా దధాతు దాశుషే ప్రాచీం జీవాతుమక్షితామ్ |
వయమ్దేవస్య ధీమహి సుమతిం విశ్వరాధసః ||2||
ధాతా విశ్వా వార్యా దధాతు ప్రజాకామాయ దాశుషే దురోణే |
తస్మై దేవా అమృతం సం వ్యయన్తు విశ్వే దేవా అదితిః సజోషాః ||3||
ధాతా రాతిః సవితేదం జుషన్తాం ప్రజాపతిర్నిధిపతిర్నో అగ్నిః |
త్వష్టా విష్ణుః ప్రజయా సంరరాణో యజమానాయ ద్రవిణం దధాతు ||4||
అధర్వణవేదము - కాండము 7 - సూక్తము 18
మార్చుప్ర నభస్వ పృథివి భిన్ద్ధీ3దం దివ్యం నభః |
ఉద్నో దివ్యస్య నో ధాతరీశానో వి ష్యా దృతిమ్ ||1||
న ఘ్రంస్తతాప న హిమో జఘాన ప్ర నభతాం పృథివీ జీరదానుః |
ఆపశ్చిదస్మై ఘృతమిత్క్షరన్తి యత్ర సోమః సదమిత్తత్ర భద్రమ్ ||2||
అధర్వణవేదము - కాండము 7 - సూక్తము 19
మార్చుప్రజాపతిర్జనయతి ప్రజా ఇమా ధాతా దధాతు సుమనస్యమానః |
సంజానానాః సంమనసః సయోనయో మయి పుష్టం పుష్టపతిర్దధాతు ||1||
అధర్వణవేదము - కాండము 7 - సూక్తము 20
మార్చుఅన్వద్య నో ऽనుమతిర్యజ్ఞం దేవేషు మన్యతామ్ |
అగ్నిశ్చ హవ్యవాహనో భవతాం దాశుషే మమ ||1||
అన్విదనుమతే త్వం మంససే శం చ నస్కృధి |
జుషస్వ హవ్యమాహుతం ప్రజాం దేవి రరాస్వ నః ||2||
అను మన్యతామనుమన్యమానః ప్రజావన్తం రయిమక్షీయమాణమ్ |
తస్య వయం హేడసి మాపి భూమ సుమృడీకే అస్య సుమతౌ స్యామ ||3||
యత్తే నామ సుహవం సుప్రణీతే ऽనుమతే అనుమతం సుదాను |
తేనా నో యజ్ఞం పిపృహి విశ్వవారే రయిం నో ధేహి సుభగే సువీరమ్ ||4||
ఏమం యజ్ఞమనుమతిర్జగామ సుక్షేత్రతాయై సువీరతాయై సుజాతమ్ |
భద్రా హ్యస్యాః ప్రమతిర్బభూవ సేమమ్యజ్ఞమవతు దేవగోపా ||5||
అనుమతిః సర్వమిదం బభూవ యత్తిష్ఠతి చరతి యదు చ విశ్వమేజతి |
తస్యాస్తే దేవి సుమతౌ స్యామానుమతే అను హి మంససే నః ||6||
| ←ముందరి అధ్యాయము | అధర్వణవేదము (అధర్వణవేదము - కాండము 7 - సూక్తములు 11 నుండి 20 వరకూ) | తరువాతి అధ్యాయము→ |