అధర్వణవేదము - కాండము 6 - సూక్తములు 71 నుండి 80 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 6 - సూక్తములు 71 నుండి 80 వరకూ) | తరువాతి అధ్యాయము→ |
అధర్వణవేదము - కాండము 6 - సూక్తము 71
మార్చుయదన్నమద్మి బహుధా విరూపం హిరణ్యమశ్వముత గామజామవిమ్ |
యదేవ కిం చ ప్రతిజగ్రహాహమగ్నిష్టద్ధోతా సుహుతం కృనోతు ||1||
యన్మా హుతమహుతమాజగామ దత్తం పితృభిరనుమతం మనుష్యైః |
యస్మాన్మే మన ఉదివ రారజీత్యగ్నిష్టద్ధోతా సుహుతం కృణోతు ||2||
యదన్నమద్మ్యనృతేన దేవా దాస్యన్నదాస్యన్నుత సంగృణామి |
వైశ్వానరస్య మహతో మహిమ్నా శివం మహ్యం మధుమదస్త్వన్నమ్ ||3||
అధర్వణవేదము - కాండము 6 - సూక్తము 72
మార్చుయథాసితః ప్రథయతే వశామను వపూంషి కృణ్వన్నసురస్య మాయయా |
ఏవా తే శేపః సహసాయమర్కో ऽఙ్గేనాఙ్గం సంసమకం కృణోతు ||1||
యథా పసస్తాయాదరం వాతేన స్థూలభం కృతమ్ |
యావత్పరస్వతః పసస్తావత్తే వర్ధతాం పసః ||2||
యావదఙ్గీనం పారస్వతం హాస్తినం గార్దభమ్చ యత్ |
యావదశ్వస్య వజినస్తావత్తే వర్ధతాం పసః ||3||
అధర్వణవేదము - కాండము 6 - సూక్తము 73
మార్చుఏహ యాతు వరుణః సోమో అగ్నిర్బృహస్పతిర్వసుభిరేహ యాతు |
అస్య శ్రియముపసంయాత సర్వ ఉగ్రస్య చేత్తుః సంమనసః సజాతాః ||1||
యో వః శుష్మో హృదయేష్వన్తరాకూతిర్యా వో మనసి ప్రవిష్టా |
తాన్త్సీవయామి హవిషా ఘృతేన మయి సజాతా రమతిర్వో అస్తు ||2||
ఇహైవ స్త మాప యాతాధ్యస్మత్పూషా పరస్తాదపథమ్వః కృణోతు |
వాస్తోష్పతిరను వో జోహవీతు మయి సజాతా రమతిః వో అస్తు ||3||
అధర్వణవేదము - కాండము 6 - సూక్తము 74
మార్చుసం వః పృచ్యన్తాం తన్వః సం మనాంసి సము వ్రతా |
సమ్వో ऽయమ్బ్రహ్మణస్పతిర్భగః సం వో అజీగమత్ ||1||
సమ్జ్ఞపనం వో మనసో ऽథో సమ్జ్ఞపనమ్హృదః |
అథో భగస్య యచ్ఛ్రాన్తం తేన సంజ్ఞపయామి వః ||2||
యథాదిత్యా వసుభిః సమ్బభూవుర్మరుద్భిరుగ్రా అహృణీయమానాః |
ఏవా త్రిణామన్నహృణీయమాన ఇమాన్జనాన్త్సంమనసస్కృధీహ ||3||
అధర్వణవేదము - కాండము 6 - సూక్తము 75
మార్చునిరముం నుద ఓకసః సపత్నో యః పృతన్యతి |
నైర్బాధ్యేన హవిషేన్ద్ర ఏనం పరాశరీత్ ||1||
పరమాం తం పరావతమిన్ద్రో నుదతు వృత్రహా |
యతో న పునరాయతి శశ్వతీభ్యః సమాభ్యః ||2||
ఏతు తిస్రః పరావత ఏతు పఞ్చ జనాఁ అతి |
ఏతు తిస్రో ऽతి రోచనా యతో న పునరాయతి |
శశ్వతీభ్యః సమాభ్యో యావత్సూర్యో అసద్దివి ||3||
అధర్వణవేదము - కాండము 6 - సూక్తము 76
మార్చుయ ఏనం పరిషీదన్తి సమాదధతి చక్షసే |
సంప్రేద్ధో అగ్నిర్జిహ్వాభిరుదేతు హృదయాదధి ||1||
అగ్నేః సామ్తపనస్యాహమాయుషే పదమా రభే |
అద్ధాతిర్యస్య పశ్యతి ధూమముద్యన్తమాస్యతః ||2||
యో అస్య సమిధం వేద క్షత్రియేణ సమాహితామ్ |
నాభిహ్వారే పదం ని దధాతి స మృత్యవే ||3||
నైనం ఘ్నన్తి పర్యాయినో న సన్నాఁ అవ గఛతి |
అగ్నేర్యః క్షత్రియో విద్వాన్నామ గృహ్నాతి ఆయుషే ||4||
అధర్వణవేదము - కాండము 6 - సూక్తము 77
మార్చుఅస్థాద్ద్యౌరస్థాత్పృథివ్యస్థాద్విశ్వమిదం జగత్ |
ఆస్థానే పర్వతా అస్థు స్థామ్న్యశ్వాఁ అతిష్ఠిపమ్ ||1||
య ఉదానత్పరాయణం య ఉదానణ్న్యాయనమ్ |
ఆవర్తనమ్నివర్తనం యో గోపా అపి తం హువే ||2||
జాతవేదో ని వర్తయ శతం తే సన్త్వావృతః |
సహస్రం త ఉపావృతస్తభిర్నః పునరా కృధి ||3||
అధర్వణవేదము - కాండము 6 - సూక్తము 78
మార్చుతేన భూతేన హవిషాయమా ప్యాయతాం పునః |
జాయామ్యామస్మా ఆవాక్షుస్తామ్రసేనాభి వర్ధతామ్ ||1||
అభి వర్ధతాం పయసాభి రాష్ట్రేణ వర్ధతామ్ |
రయ్యా సహస్రవర్చసేమౌ స్తామనుపక్షితౌ ||2||
త్వష్టా జాయామజనయత్త్వష్టాస్యై త్వాం పతిమ్ |
త్వష్టా సహస్రమాయుంషి దీర్ఘమాయుః కృణోతు వామ్ ||3||
అధర్వణవేదము - కాండము 6 - సూక్తము 79
మార్చుఅయం నో నభసస్పతిః సంస్పానో అభి రక్షతు |
అసమాతిమ్గృహేషు నః ||1||
త్వం నో నభసస్పతే ఊర్జం గృహేసు ధారయ |
ఆ పుష్టమేత్వా వసు ||2||
దేవ సంస్పాన సహస్రాపోషస్యేశిషే |
తస్య నో రాస్వ తస్య నో ధేహి తస్య తే భక్తివామ్సః స్యామ ||3||
అధర్వణవేదము - కాండము 6 - సూక్తము 80
మార్చుఅన్తరిక్సేణ పతతి విశ్వా భూతావచాకశత్ |
శునో దివ్యస్య యన్మహస్తేనా తే హవిషా విధేమ ||1||
యే త్రయః కాలకాఞ్జా దివి దేవా ఇవ శ్రితాః |
తాన్సర్వానహ్వ ఊతయే ऽస్మా అరిష్టతాతయే ||2||
అప్సు తే జన్మ దివి తే సధస్థం సముద్రే అన్తర్మహిమా తే పృథివ్యామ్ |
శునో దివ్యస్య యన్మహస్తేనా తే హవిషా విధేమ ||3||
| ←ముందరి అధ్యాయము | అధర్వణవేదము (అధర్వణవేదము - కాండము 6 - సూక్తములు 71 నుండి 80 వరకూ) | తరువాతి అధ్యాయము→ |