అధర్వణవేదము - కాండము 5 - సూక్తములు 16 నుండి 20 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 5 - సూక్తములు 16 నుండి 20 వరకూ) | తరువాతి అధ్యాయము→ |
అధర్వణవేదము - కాండము 5 - సూక్తము 16
మార్చుయద్యేకవృషో ऽసి సృజారసో ऽసి ||౧||
యది ద్వివృషో ऽసి సృజారసో ऽసి ||౨||
యది త్రివృసో ऽసి సృజారసో ऽసి ||౩||
యది చతుర్వృషో ऽసి సృజారసో ऽసి ||౪||
యది పఞ్చవృషో ऽసి సృజారసో ऽసి ||౫||
యది షడ్వృషో ऽసి సృజారసో ऽసి ||౬||
యది సప్తవృషో ऽసి సృజారసో ऽసి ||౭||
యద్యష్టవృషో ऽసి సృజారసో ऽసి ||౮||
యది నవవృషో ऽసి సృజారసో ऽసి ||౯||
యది దశవృషో ऽసి సృజారసో ऽసి ||౧౦||
యద్యేకాదశో ऽసి సో ऽపోదకో ऽసి ||౧౧||
అధర్వణవేదము - కాండము 5 - సూక్తము 17
మార్చుతే ऽవదన్ప్రథమా బ్రహ్మకిల్బిషే ऽకూపారః సలిలో మాతరిశ్వా |
వీడుహరాస్తప ఉగ్రం మయోభూరాపో దేవీః ప్రథమజా ఋతస్య ||౧||
సోమో రాజా ప్రథమో బ్రహ్మజాయాం పునః ప్రాయఛదహృణీయమానః |
అన్వర్తితా వరుణో మిత్ర ఆసీదగ్నిర్హోతా హస్తగృహ్యా నినాయ ||౨||
హస్తేనైవ గ్రాహ్య ఆధిరస్యా బ్రహ్మజాయేతి చేదవోచత్ |
న దూతాయ ప్రహేయా తస్థ ఏషా తథా రాష్ట్రం గుపితం క్షత్రియస్య ||౩||
యామాహుస్తారకైషా వికేశీతి దుఛునాం గ్రామమవపద్యమానామ్ |
సా బ్రహ్మజాయా వి దునోతి రాష్ట్రం యత్ర ప్రాపాది శశ ఉల్కుషీమాన్ ||౪||
బ్రహ్మచారీ చరతి వేవిషద్విషః స దేవానాం భవత్యేకమఙ్గమ్ |
తేన జాయామన్వవిన్దద్బృహస్పతిః సోమేన నీతాం జుహ్వ౧ం న దేవాః ||౫||
దేవా వా ఏతస్యామవదన్త పూర్వే సప్తఋషయస్తపసా యే నిషేదుః |
భీమా జాయా బ్రాహ్మణస్యాపనీతా దుర్ధాం దధాతి పరమే వ్యోమన్ ||౬||
యే గర్భా అవపద్యన్తే జగద్యచ్చాపలుప్యతే |
వీరా యే తృహ్యన్తే మిథో బ్రహ్మజాయా హినస్తి తాన్ ||౭||
ఉత యత్పతయో దశ స్త్రియాః పూర్వే అబ్రాహ్మణాః |
బ్రహ్మా చేద్ధస్తమగ్రహీత్స ఏవ పతిరేకధా ||౮||
బ్రాహ్మణ ఏవ పతిర్న రాజన్యో౩ న వైశ్యః |
తత్సూర్యః ప్రబ్రువన్నేతి పఞ్చభ్యో మానవేభ్యః ||౯||
పునర్వై దేవా అదదుః పునర్మనుష్యా అదదుః |
రాజానః సత్యం గృహ్ణానా బ్రహ్మజాయాం పునర్దదుః ||౧౦||
పునర్దాయ బ్రహ్మజాయాం కృత్వా దేవైర్నికిల్బిషమ్ |
ఊర్జం పృథివ్యా భక్త్వోరుగాయముపాసతే ||౧౧||
నాస్య జాయా శతవాహీ కల్యాణీ తల్పమా శయే |
యస్మిన్రాష్ట్రే నిరుధ్యతే బ్రహ్మజాయాచిత్త్యా ||౧౨||
న వికర్ణః పృథుశిరాస్తస్మిన్వేశ్మని జాయతే |
యస్మిన్రాష్ట్రే నిరుధ్యతే బ్రహ్మజాయాచిత్త్యా ||౧౩||
నాస్య క్సత్తా నిష్కగ్రీవః సూనానామేత్యగ్రతః |
యస్మిన్రాష్ట్రే నిరుధ్యతే బ్రహ్మజాయాచిత్త్యా ||౧౪||
నాస్య శ్వేతః కృష్ణకర్ణో ధురి యుక్తో మహీయతే |
యస్మిన్రాష్ట్రే నిరుధ్యతే బ్రహ్మజాయాచిత్త్యా ||౧౫||
నాస్య క్షేత్రే పుష్కరిణీ నాణ్డీకమ్జాయతే బిసమ్ |
యస్మిన్రాష్ట్రే నిరుధ్యతే బ్రహ్మజాయాచిత్త్యా ||౧౬||
నాస్మై పృశ్నిం వి దుహన్తి యే ऽస్యా దోహముపాసతే |
యస్మిన్రాష్ట్రే నిరుధ్యతే బ్రహ్మజాయాచిత్త్యా ||౧౭||
నాస్య ధేనుః కల్యాణీ నానడ్వాన్త్సహతే ధురమ్ |
విజానిర్యత్ర బ్రహ్మణో రాత్రిం వసతి పాపయా ||౧౮||
అధర్వణవేదము - కాండము 5 - సూక్తము 18
మార్చునైతాం తే దేవా అదదుస్తుభ్యం నృపతే అత్తవే |
మా బ్రాహ్మణస్య రాజన్య గాం జిఘత్సో అనాద్యామ్ ||౧||
అక్షద్రుగ్ధో రాజన్యః పాప ఆత్మపరాజితః |
స బ్రాహ్మణస్య గామద్యాదద్య జీవాని మా శ్వః ||౨||
ఆవిష్టితాఘవిషా పృదాకూరివ చర్మణా |
సా బ్రాహ్మణస్య రాజన్య తృష్టైషా గౌరనాద్యా ||౩||
నిర్వై క్షత్రం నయతి హన్తి వర్చో ऽగ్నిరివారబ్ధో వి దునోతి సర్వమ్ |
యో బ్రాహ్మణం మన్యతే అన్నమేవ స విషస్య పిబతి తైమాతస్య ||౪||
య ఏనం హన్తి మృదుం మన్యమానో దేవపీయుర్ధనకామో న చిత్తాత్ |
సం తస్యేన్ద్రో హృదయే ऽగ్నిమిన్ధే ఉభే ఏనం ద్విష్టో నభసీ చరన్తమ్ ||౫||
న బ్రాహ్మణో హింసితవ్యో౩ ऽగ్నిః ప్రియతనోరివ |
సోమో హ్యస్య దాయాద ఇన్ద్రో అస్యాభిశస్తిపాః ||౬||
శతాపాష్ఠాం ని గిరతి తాం న శక్నోతి నిఃఖిదమ్ |
అన్నం యో బ్రహ్మణామ్మల్వః స్వాద్వ౧ద్మీతి మన్యతే ||౭||
జిహ్వా జ్యా భవతి కుల్మలం వాఙ్నాడీకా దన్తాస్తపసాభిదిగ్ధాః |
తేభిర్బ్రహ్మా విధ్యతి దేవపీయూన్హృద్బలైర్ధనుర్భిర్దేవజూతైః ||౮||
తీక్ష్ణేషవో బ్రాహ్మణా హేతిమన్తో యామస్యన్తి శరవ్యా౩ం న సా మృషా |
అనుహాయ తపసా మన్యునా చోత దురాదవ భిన్దన్త్యేనమ్ ||౯||
యే సహస్రమరాజన్నాసన్దశశతా ఉత |
తే బ్రాహ్మణస్య గాం జగ్ధ్వా వైతహవ్యాః పరాభవన్ ||౧౦||
గౌరేవ తాన్హన్యమానా వైతహవ్యాఁ అవాతిరత్ |
యే కేసరప్రాబన్ధాయాశ్చరమాజామపేచిరన్ ||౧౧||
ఏకశతం తా జనతా యా భూమిర్వ్యధూనుత |
ప్రజాం హింసిత్వా బ్రాహ్మణీమసంభవ్యం పరాభవన్ ||౧౨||
దేవపీయుశ్చరతి మర్త్యేషు గరగీర్ణో భవత్యస్థిభూయాన్ |
యో బ్రాహ్మణం దేవబన్ధుం హినస్తి న స పితృయాణమప్యేతి లోకమ్ ||౧౩||
అగ్నిర్వై నః పదవాయః సోమో దాయాద ఉచ్యతే |
హన్తాభిశస్తేన్ద్రస్తథా తద్వేధసో విదుః ||౧౪||
ఇషురివ దిగ్ధా నృపతే పృదాకూరివ గోపతే |
సా బ్రాహ్మణస్యేషుర్ఘోరా తయా విధ్యతి పీయతః ||౧౫||
అధర్వణవేదము - కాండము 5 - సూక్తము 19
మార్చుఅతిమాత్రమవర్ధన్త నోదివ దివమస్పృశన్ |
భృగుం హింసిత్వా సృఞ్జయా వైతహవ్యాః పరాభవన్ ||౧||
యే బృహత్సామానమాఙ్గిరసమార్పయన్బ్రాహ్మణం జనాః |
పేత్వస్తేషాముభయాదమవిస్తోకాన్యావయత్ ||౨||
యే బ్రాహ్మణం ప్రత్యష్ఠీవన్యే వాస్మిఞ్ఛుల్కమీషిరే |
అస్నస్తే మధ్యే కుల్యాయాః కేశాన్ఖాదన్త ఆసతే ||౩||
బ్రహ్మగవీ పచ్యమానా యావత్సాభి విజఙ్గహే |
తేజో రాష్ట్రస్య నిర్హన్తి న వీరో జాయతే వృషా ||౪||
క్రూరమస్యా ఆశసనం తృష్టం పిశితమస్యతే |
క్షీరం యదస్యాః పీయతే తద్వై పితృషు కిల్బిషమ్ ||౫||
ఉగ్రో రాజా మన్యమానో బ్రాహ్మణం యో జిఘత్సతి |
పరా తత్సిచ్యతే రాష్ట్రం బ్రాహ్మణో యత్ర జీయతే ||౬||
అష్టాపదీ చతురక్షీ చతుఃశ్రోత్రా చతుర్హనుః |
ద్వ్యాస్యా ద్విజిహ్వా భూత్వా సా రాష్ట్రమవ ధూనుతే బ్రహ్మజ్యస్య ||౭||
తద్వై రాష్ట్రమా స్రవతి నావం భిన్నామివోదకమ్ |
బ్రహ్మాణం యత్ర హింసన్తి తద్రాష్ట్రం హన్తి దుఛునా ||౮||
తం వృక్షా అప సేధన్తి ఛాయాం నో మోప గా ఇతి |
యో బ్రాహ్మణస్య సద్ధనమభి నారద మన్యతే ||౯||
విషమేతద్దేవకృతం రాజా వరుణో ऽబ్రవీత్ |
న బ్రాహ్మణస్య గాం జగ్ధ్వా రాస్త్రే జాగార కశ్చన ||౧౦||
నవైవ తా నవతయో యా భూమిర్వ్యధూనుత |
ప్రజాం హింసిత్వా బ్రాహ్మణీమసంభవ్యం పరాభవన్ ||౧౧||
యామ్మృతాయానుబధ్నన్తి కూద్యం పదయోపనీమ్ |
తద్వై బ్రహ్మజ్య తే దేవా ఉపస్తరణమబ్రువన్ ||౧౨||
అశ్రూణి కృపమానస్య యాని జీతస్య వావృతుః |
తం వై బ్రహ్మజ్య తే దేవా అపాం భాగమధారయన్ ||౧౩||
4
యేన మృతం స్నపయన్తి శ్మశ్రూణి యేనోన్దతే |
తం వై బ్రహ్మజ్య తే దేవా అపాం భాగమధారయన్ ||౧౪||
న వర్షం మైత్రావరుణం బ్రహ్మజ్యమభి వర్షతి |
నాస్మై సమితిః కల్పతే న మిత్రం నయతే వశమ్ ||౧౫||
అధర్వణవేదము - కాండము 5 - సూక్తము 20
మార్చుఉచ్చైర్ఘోషో దున్దుభిః సత్వనాయన్వానస్పత్యః సంభృత ఉసృఇయాభిః |
వాచం క్షుణువానో దమయన్త్సపత్నాన్త్సింహ ఇవ జేష్యన్నభి తంస్తనీహి ||౧||
సింహ ఇవాస్తానీద్ద్రువయో విబద్ధో ऽభిక్రన్దన్నృషభో వాసితామివ |
వృషా త్వం వధ్రయస్తే సపత్నా అैన్ద్రస్తే శుష్మో అభిమాతిషాహః ||౨||
వృషేవ యూథే సహసా విదానో గవ్యన్నభి రువ సంధనాజిత్ |
శుచా విధ్య హృదయం పరేషాం హిత్వా గ్రామాన్ప్రచ్యుతా యన్తు శత్రవః ||౩||
సంజయన్పృతనా ఊర్ధ్వమాయుర్గృహ్యా గృహ్ణానో బహుధా వి చక్ష్వ |
దైవీం వాచం దున్దుభ ఆ గురస్వ వేధాః శత్రూణాముప భరస్వ వేదః ||౪||
దున్దుభేర్వాచం ప్రయతాం వదన్తీమాశృణ్వతీ నాథితా ఘోషబుద్ధా |
నారీ పుత్రం ధావతు హస్తగృహ్యామిత్రీ భీతా సమరే వధానామ్ ||౫||
పూర్వో దున్దుభే ప్ర వదాసి వాచం భూమ్యాః పృష్ఠే వద రోచమానః |
అమిత్రసేనామభిజఞ్జభానో ద్యుమద్వద దున్దుభే సూనృతావత్ ||౬||
అన్తరేమే నభసీ ఘోషో అస్తు పృథక్తే ధ్వనయో యన్తు శీభమ్ |
అభి క్రన్ద స్తనయోత్పిపానః శ్లోకకృన్మిత్రతూర్యాయ స్వర్ధీ ||౭||
ధీభిః కృతః ప్ర వదాతి వాచముద్ధర్షయ సత్వనామాయుధాని |
ఇన్ద్రమేదీ సత్వనో ని హ్వయస్వ మిత్రైరమిత్రాఁ అవ జఙ్ఘనీహి ||౮||
సంక్రన్దనః ప్రవదో ధృష్ణుషేణః ప్రవేదకృద్బహుధా గ్రామఘోషీ |
శ్రియో వన్వనో వయునాని విద్వాన్కీర్తిమ్బహుభ్యో వి హర ద్విరాజే ||౯||
శ్రేయఃకేతో వసుజిత్సహీయాన్త్సంగ్రామజిత్సంశితో బ్రహ్మణాసి |
అంశూనివ గ్రావాధిషవణే అద్రిర్గవ్యన్దున్దుభేऽధి నృత్య వేదః ||౧౦||
శత్రూషాణ్నీషాదభిమాతిషాహో గవేషణః సహమాన ఉద్భిత్ |
వాగ్వీవ మన్త్రం ప్ర భరస్వ వాచమ్సాంగ్రామజిత్యాయేషముద్వదేహ ||౧౧||
అచ్యుతచ్యుత్సమదో గమిష్ఠో మృధో జేతా పురఏతాయోధ్యః |
ఇన్ద్రేణ గుప్తో విదథా నిచిక్యద్ధృద్ద్యోతనో ద్విషతాం యాహి శీభమ్ ||౧౨||
| ←ముందరి అధ్యాయము | అధర్వణవేదము | తరువాతి అధ్యాయము→ |