అధర్వణవేదము - కాండము 4 - సూక్తములు 11 నుండి 15 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 4 - సూక్తములు 11 నుండి 15 వరకూ) | తరువాతి అధ్యాయము→ |
అధర్వణవేదము - కాండము 4 - సూక్తము 11
మార్చుఅనడ్వాన్దాధార పృథివీముత ద్యామనడ్వాన్దాధారోర్వ౧న్తరిక్షమ్ |
అనడ్వాన్దాధార ప్రదిశః షడుర్వీరనడ్వాన్విశ్వం భువనమా వివేశ ||౧||
అనడ్వానిన్ద్రః స పశుభ్యో వి చష్టే త్రయాం ఛక్రో వి మిమీతే అధ్వనః |
భూతం భవిష్యద్భువనా దుహానః సర్వా దేవానామ్చరతి వ్రతాని ||౨||
ఇన్ద్రో జాతో మనుష్యేష్వన్తర్ఘర్మస్తప్తశ్చరతి శోశుచానః |
సుప్రజాః సన్త్స ఉదారే న సర్షద్యో నాశ్నీయాదనడుహో విజానన్ ||౩||
అనడ్వాన్దుహే సుకృతస్య లోక అैనం ప్యాయయతి పవమానః పురస్తాత్ |
పర్జన్యో ధారా మరుత ఊధో అస్య యజ్ఞః పయో దక్షిణా దోహో అస్య ||౪||
యస్య నేశే యజ్ఞపతిర్న యజ్ఞో నాస్య దాతేశే న ప్రతిగ్రహీతా |
యో విశ్వజిద్విశ్వభృద్విశ్వకర్మా ఘర్మం నో బ్రూత యతమశ్చతుష్పాత్ ||౫||
యేన దేవాః స్వరారురుహుర్హిత్వా శరీరమమృతస్య నాభిమ్ |
తేన గేష్మ సుకృతస్య లోకం ఘర్మస్య వ్రతేన తపసా యశస్యవః ||౬||
ఇన్ద్రో రూపేణాగ్నిర్వహేన ప్రజాపతిః పరమేష్ఠీ విరాట్ |
విశ్వానరే అక్రమత వైశ్వానరే అక్రమతానదుహ్యక్రమత |
సో ऽదృంహయత సో ऽధారయత ||౭||
మధ్యమేతదనడుహో యత్రైష వహ ఆహితః |
ఏతావదస్య ప్రాచీనం యావాన్ప్రత్యఙ్సమాహితః ||౮||
యో వేదానదుహో దోహాన్సప్తానుపదస్వతః |
ప్రజాం చ లోకం చాప్నోతి తథా సప్తఋషయో విదుః ||౯||
పద్భిః సేదిమవక్రామన్నిరాం జఙ్ఘాభిరుత్ఖిదన్ |
స్రమేణానడ్వాన్కీలాలం కీనాశశ్చాభి గఛతః ||౧౦||
ద్వాదశ వా ఏతా రాత్రీర్వ్రత్యా ఆహుః ప్రజాపతేః |
తత్రోప బ్రహ్మ యో వేద తద్వా అనడుహో వ్రతమ్ ||౧౧||
దుహే సాయం దుహే ప్రాతర్దుహే మధ్యందినం పరి |
దోహా యే అస్య సంయన్తి తాన్విద్మానుపదస్వతః ||౧౨||
అధర్వణవేదము - కాండము 4 - సూక్తము 12
మార్చురోహణ్యసి రోహణ్యస్థ్నశ్ఛిన్నస్య రోహణీ |
రోహయేదమరున్ధతి ||౧||
యత్తే రిష్టం యత్తే ద్యుత్తమస్తి పేష్ట్రం త ఆత్మని |
ధాతా తద్భద్రయా పునః సం దధత్పరుషా పరుః ||౨||
సం తే మజ్జా మజ్ఞా భవతు సము తే పరుషా పరుః |
సం తే మాంసస్య విస్రస్తం సమస్థ్యపి రోహతు ||౩||
మజ్జా మజ్ఞా సం ధీయతాం చర్మణా చర్మ రోహతు |
అసృక్తే అస్థి రోహతు మాంసం మాంసేన రోహతు ||౪||
లోమ లోమ్నా సం కల్పయా త్వచా సం కల్పయా త్వచమ్ |
అసృక్తే అస్థి రోహతు ఛిన్నం సం ధేహ్యోషధే ||౫||
స ఉత్తిష్ఠ ప్రేహి ప్ర ద్రవ రథః సుచక్రః |
సుపవిః సునాభిః ప్రతి తిష్ఠోర్ధ్వః ||౬||
యది కర్తం పతిత్వా సంశశ్రే యది వాస్మా ప్రహృతో జఘాన |
ఋభూ రథస్యేవాఙ్గాని సం దధత్పరుషా పరుః ||౭||
అధర్వణవేదము - కాండము 4 - సూక్తము 13
మార్చుఉత దేవా అవహితం దేవా ఉన్నయథా పునః |
ఉతాగశ్చక్రుషం దేవా దేవా జీవయథా పునః ||౧||
ద్వావిమౌ వాతౌ వాత ఆ సిన్ధోరా పరావతః |
దక్షం తే అన్య ఆవాతు వ్యన్యో వాతు యద్రపః ||౨||
ఆ వాత వాహి భేషజం వి వాత వాహి యద్రపః |
త్వం హి విశ్వభేషజ దేవానాం దూత ఈయసే ||౩||
త్రాయన్తామిమం దేవాస్త్రాయన్తాం మరుతాం గణాః |
త్రాయన్తాం విశ్వా భూతాని యథాయమరపా అసత్ ||౪||
ఆ త్వాగమం శంతాతిభిరథో అరిష్టతాతిభిః |
దక్షం త ఉగ్రమాభారిషం పరా యక్ష్మం సువామి తే ||౫||
అయం మే హస్తో భగవానయం మే భగవత్తరః |
అయం మే విశ్వభేషజో ऽయం శివాభిమర్శనః ||౬||
హస్తాభ్యాం దశశాఖాభ్యాం జిహ్వా వాచః పురోగవీ |
అనామయిత్నుభ్యాం హస్తాభ్యాం తాభ్యాం త్వాభి మృశామసి ||౭||
అధర్వణవేదము - కాండము 4 - సూక్తము 14
మార్చుఅజో హ్యగ్నేరజనిష్ట శోకాత్సో అపశ్యజ్జనితారమగ్రే |
తేన దేవా దేవతామగ్రా ఆయన్తేన రోహాన్రురుహుర్మేధ్యాసః ||౧||
క్రమధ్వమగ్నినా నాకముఖ్యాన్హస్తేషు బిభ్రతః |
దివస్పృష్ఠం స్వర్గత్వా మిశ్రా దేవేభిరాధ్వమ్ ||౨||
పృష్ఠాత్పృథివ్యా అహమన్తరిక్షమారుహమన్తరిక్షాద్దివమారుహమ్ |
దివో నాకస్య పృష్ఠాత్స్వ౧ర్జ్యోతిరగామహమ్ ||౩||
స్వ౧ర్యన్తో నాపేక్షన్త ఆ ద్యాం రోహన్తి రోదసీ |
యజ్ఞం యే విశ్వతోధారం సువిద్వాంసో వితేనిరే ||౪||
అగ్నే ప్రేహి ప్రథమో దేవతానాం చక్షుర్దేవానాముత మానుషానామ్ |
ఇయక్షమాణా భృగుభిః సజోషాః స్వర్యన్తు యజమానాః స్వస్తి ||౫||
అజమనజ్మి పయసా ఘృతేన దివ్యం సుపర్నం పయసం బృహన్తమ్ |
తేన గేష్మ సుకృతస్య లోకం స్వరారోహన్తో అభి నాకముత్తమమ్ ||౬||
పఞ్చౌదనం పఞ్చభిరఙ్గులిభిర్దర్వ్యోద్ధర పఞ్చధైతమోదనమ్ |
ప్రాచ్యాం దిశి శిరో అజస్య ధేహి దక్షిణాయాం దిశి దక్షిణం ధేహి పార్శ్వమ్ ||౭||
ప్రతీచ్యాం దిశి భసదమస్య ధేహ్యుత్తరస్యాం దిశ్యుత్తరం ధేహి పార్శ్వమ్ |
ఊర్ధ్వాయాం దిశ్య౧జస్యానూకం ధేహి దిశి ధ్రువాయాం ధేహి పాజస్యమన్తరిక్షే మధ్యతో మధ్యమస్య ||౮||
శృతమజం శృతయా ప్రోర్ణుహి త్వచా సర్వైరఙ్గైః సంభృతం విశ్వరూపమ్ |
స ఉత్తిస్ఠేతో అభి నాకముత్తమం పద్భిశ్చతుర్భిః ప్రతి తిష్ఠ దిక్షు ||౯||
అధర్వణవేదము - కాండము 4 - సూక్తము 15
మార్చుసముత్పతన్తు ప్రదిశో నభస్వతీః సమభ్రాణి వాతజూతాని యన్తు |
మహఋషభస్య నదతో నభస్వతో వాశ్రా ఆపః పృథివీం తర్పయన్తు ||౧||
సమీక్షయన్తు తవిషాః సుదానవో ऽపాం రసా ఓషధీభిః సచన్తామ్ |
వర్షస్య సర్గా మహయన్తు భూమిం పృథగ్జాయన్తామోషధయో విశ్వరూపాః ||౨||
సమీక్షయస్వ గాయతో నభాంస్యపామ్వేగాసహ్పృథగుద్విజన్తామ్ |
వర్షస్య సర్గా మహయన్తు భూమిం పృథగ్జాయన్తామ్వీరుధో విశ్వరూపాః ||౩||
గణాస్త్వోప గాయన్తు మారుతాః పర్జన్య ఘోషిణః పృథక్ |
సర్గా వర్షస్య వర్షతో వర్షన్తు పృథివీమను ||౪||
ఉదీరయత మరుతః సముద్రతస్త్వేషో అర్కో నభ ఉత్పాతయాథ |
మహఋషభస్య నదతో నభస్వతో వాశ్రా ఆపః పృథివీం తర్పయన్తు ||౫||
అభి క్రన్ద స్తనయార్దయోదధిం భూమిం పర్జన్య పయసా సమఙ్ధి |
త్వయా సృష్టం బహులమైతు వర్షమాశారైషీ కృశగురేత్వస్తమ్ ||౬||
సం వో ऽవన్తు సుదానవ ఉత్సా అజగరా ఉత |
మరుద్భిః ప్రచ్యుతా మేఘా వర్షన్తు పృథివీమను ||౭||
ఆశామాశాం వి ద్యోతతాం వాతా వాన్తు దిశోదిశః |
మరుద్భిః ప్రచ్యుతా మేఘాః సం యన్తు పృథివీమను ||౮||
ఆపో విద్యుదభ్రం వర్షం సం వో ऽవన్తు సుదానవ ఉత్సా అజగరా ఉత |
మరుద్భిః ప్రచ్యుతా మేఘాః ప్రావన్తు పృథివీమను ||౯||
అపామగ్నిస్తనూభిః సంవిదానో య ఓషధీనామధిపా బభూవ |
స నో వర్షం వనుతాం జాతవేదాః ప్రాణం ప్రజాభ్యో అమృతం దివస్పరి ||౧౦||
ప్రజాపతిః సలిలాదా సముద్రాదాప ఈరయన్నుదధిమర్దయాతి |
ప్ర ప్యాయతాం వృష్ణో అశ్వస్య రేతో ऽర్వానేతేన స్తనయిత్నునేహి ||౧౧||
అపో నిషిఞ్చన్నసురః పితా నః శ్వసన్తు గర్గరా అపాం వరుణావ నీచీరపః సృజ |
వదన్తు పృశ్నిబాహవో మణ్డూకా ఇరిణాను ||౧౨||
సంవత్సరం శశయానా బ్రాహ్మణా వ్రతచారిణః |
వాచమ్పర్జన్యజిన్వితాం ప్ర మణ్దూకా అవాదిషుః ||౧౩||
ఉపప్రవద మణ్డూకి వర్షం ఆ వద తాదురి |
మధ్యే హ్రదస్య ప్లవస్వ విగృహ్య చతురః పదః ||౧౪||
ఖణ్వఖా౩ఇ ఖైమఖా౩ఇ మధ్యే తదురి |
వర్షం వనుధ్వం పితరో మరుతాం మన ఇఛత ||౧౫||
మహాన్తం కోశముదచాభి షిఞ్చ సవిద్యుతం భవతు వాతు వాతః |
తన్వతాం యజ్ఞం బహుధా విసృష్టా ఆనన్దినీరోషధయో భవన్తు ||౧౬||
| ←ముందరి అధ్యాయము | అధర్వణవేదము | తరువాతి అధ్యాయము→ |