అధర్వణవేదము - కాండము 20 - సూక్తములు 111 నుండి 120 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 20 - సూక్తములు 111 నుండి 120 వరకూ) | తరువాతి అధ్యాయము→ |
అధర్వణవేదము - కాండము 20 - సూక్తము 111
మార్చుయత్సోమమిన్ద్ర విష్ణవి యద్వా ఘ త్రిత ఆప్త్యే |
యద్వా మరుత్సు మన్దసే సమిన్దుభిః ||1||
యద్వా శక్ర పరావతి సముద్రే అధి మన్దసే |
అస్మాకమిత్సుతే రణా సమిన్దుభిః ||2||
యద్వాసి సున్వతో వృధో యజమానస్య సత్పతే |
ఉక్థే వా యస్య రణ్యసి సమిన్దుభిః ||3||
అధర్వణవేదము - కాండము 20 - సూక్తము 112
మార్చుయదద్య కచ్చ వృత్రహన్నుదగా అభి సూర్య |
సర్వం తదిన్ద్ర తే వశే ||1||
యద్వా ప్రవృద్ధ సత్పతే న మరా ఇతి మన్యసే |
ఉతో తత్సత్యమిత్తవ ||2||
యే సోమాసః పరావతి యే అర్వావతి సున్విరే |
సర్వాంస్తాఁ ఇన్ద్ర గఛసి ||3||
అధర్వణవేదము - కాండము 20 - సూక్తము 113
మార్చుఉభయం శృణవచ్చ న ఇన్ద్రో అర్వాగిదం వచః |
సత్రాచ్యా మఘవా సోమపీతయే ధియా శవిష్ఠ ఆ గమత్ ||1||
తం హి స్వరాజం వృషభం తమోజసే ధిషణే నిష్టతక్షతుః |
ఉతోపమానాం ప్రథమో ని షీదసి సోమకామం హి తే మనః ||2||
అధర్వణవేదము - కాండము 20 - సూక్తము 114
మార్చుఅభ్రాతృవ్యోऽఅనా త్వమనాపిరిన్ద్ర జనుషా సనాదసి |
యుధేదాపిత్వమిఛసే ||1||
నకీ రేవన్తం సఖ్యాయ విన్దసే పీయన్తి తే సురాశ్వః |
యదా కృణోషి నదనుం సమూహస్యాదిత్పితేవ హూయసే ||2||
అధర్వణవేదము - కాండము 20 - సూక్తము 115
మార్చుఅహమిద్ధి పితుష్పరి మేధామృతస్య జగ్రభ |
అహం సూర్య ఇవాజని ||1||
అహం ప్రత్నేన మన్మనా గిరః శుమ్భామి కణ్వవత్ |
యేనేన్ద్రః శుష్మమిద్దధే ||2||
యే త్వామిన్ద్ర న తుష్టువురృషయో యే చ తుష్టువుః |
మమేద్వర్ధస్వ సుష్టుతః ||3||
అధర్వణవేదము - కాండము 20 - సూక్తము 116
మార్చుమా భూమ నిష్ట్యా ఇవేన్ద్ర త్వదరణా ఇవ |
వనాని ని ప్రజహితాన్యద్రివో దురోషాసో అమన్మహి ||1||
అమన్మహీదనాశవో ऽనుగ్రాసశ్చ వృత్రహన్ |
సుకృత్సు తే మహతా శూర రాధసాను స్తోమం ముదీమహి ||2||
అధర్వణవేదము - కాండము 20 - సూక్తము 117
మార్చుపిబా సోమమిన్ద్ర మన్దతు త్వా యం తే సుషావ హర్యశ్వాద్రిః |
సోతుర్బాహుభ్యాం సుయతో నార్వా ||1||
యస్తే మదో యుజస్చారురస్తి యేన వృత్రాణి హర్యశ్వ హంసి |
స త్వామిన్ద్ర ప్రభూవసో మమత్తు ||2||
బోధా సు మే మఘవన్వాచమేమాం యాం తే వసిష్ఠో అర్చతి ప్రశస్తిమ్ |
ఇమా బ్రహ్మ సధమాదే జుషస్వ ||3||
అధర్వణవేదము - కాండము 20 - సూక్తము 118
మార్చుశగ్ధ్యూ షు శచీపత ఇన్ద్ర విశ్వాభిరూతిభిః |
భగం న హి త్వా యశసం వసువిదమను శూర చరామసి ||1||
పౌరో అశ్వస్య పురుకృద్గవామస్యుత్సో దేవ హిరణ్యయః |
నకిర్హి దానం పరిమర్ధిషత్త్వే యద్యద్యామి తదా భర ||2||
ఇన్ద్రమిద్దేవతాతయే ఇన్ద్రం ప్రయత్యధ్వరే |
ఇన్ద్రం సమీకే వనినో హవామహ ఇన్ద్రం ధనస్య సాతయే ||3||
ఇన్ద్రో మహ్నా రోదసీ పప్రథచ్ఛవ ఇన్ద్రః సూర్యమరోచయత్ |
ఇన్ద్రే హ విశ్వా భువనాని యేమిర ఇన్ద్రే సువానాస ఇన్దవః ||4||
అధర్వణవేదము - కాండము 20 - సూక్తము 119
మార్చుఅస్తావి మన్మ పూర్వ్యం బ్రహ్మేన్ద్రాయ వోచత |
పూర్వీరృతస్య బృహతీరనూషత స్తోతుర్మేఘా అసృక్షత ||1||
తురణ్యవో మధుమన్తం ఘృతశ్చుతం విప్రాసో అర్కమానృచుః |
అస్మే రయిః పప్రథే వృష్ణ్యం శవో ऽస్మే సువానాస ఇన్దవః ||2||
అధర్వణవేదము - కాండము 20 - సూక్తము 120
మార్చుయదిన్ద్ర ప్రాగపాగుదఙ్న్యగ్వా హూయసే నృభిః |
సిమా పురూ నృషూతో అస్యానవే ऽసి ప్రశర్ధ తుర్వశే ||1||
యద్వా రుమే రుశమే శ్యావకే కృప ఇన్ద్ర మాదయసే సచా |
కణ్వాసస్త్వా బ్రహ్మభి స్తోమవాహస ఇన్ద్రా యఛన్త్యా గహి ||2||
| ←ముందరి అధ్యాయము | అధర్వణవేదము | తరువాతి అధ్యాయము→ |