అధర్వణవేదము - కాండము 1 - సూక్తములు 31 నుండి 35 వరకూ
| ←ముందరి అధ్యాయము | అధర్వణవేదము (అధర్వణవేదము - కాండము 1 - సూక్తములు 31 నుండి 35 వరకూ) | తరువాతి అధ్యాయము→ |
అధర్వణవేదము - కాండము 1 - సూక్తము 31
మార్చుఆశానామాశాపాలేభ్యశ్చతుర్భ్యో అమృతేభ్యః |
ఇదం భూతస్యాధ్యక్షేభ్యో విధేమ హవిషా వయమ్ ||1||
య ఆశానామాశాపాలాశ్చత్వార స్థన దేవాః |
తే నో నిరృత్యాః పాశేభ్యో ముఞ్చతాంహసోఅంహసః ||2||
అస్రామస్త్వా హవిషా యజామ్యశ్లోణస్త్వా ఘృతేన జుహోమి |
య ఆశానామాశాపాలస్తురీయో దేవః స నః సుభూతమేహ వక్షత్ ||3||
స్వస్తి మాత్ర ఉత పిత్రే నో అస్తు స్వస్తి గోభ్యో జగతే పురుషేభ్యః |
విశ్వమ్సుభూతమ్సువిదత్రం నో అస్తు జ్యోగేవ దృశేమ సూర్యమ్ ||4||
అధర్వణవేదము - కాండము 1 - సూక్తము 32
మార్చుఇదం జనాసో విదథ మహద్బ్రహ్మ వదిష్యతి |
న తత్పృథివ్యాం నో దివి యేన ప్రాణన్తి వీరుధః ||1||
అన్తరిక్ష ఆసాం స్థామ శ్రాన్తసదామివ |
ఆస్థానమస్య భూతస్య విదుష్టద్వేధసో న వా ||2||
యద్రోదసీ రేజమానే భూమిశ్చ నిరతక్షతమ్ |
ఆర్ద్రం తదద్య సర్వదా సముద్రస్యేవ శ్రోత్యాః ||3||
విశ్వమన్యామభీవార తదన్యస్యామధి శ్రితమ్ |
దివే చ విశ్వవేదసే పృథివ్యై చాకరం నమః ||4||
అధర్వణవేదము - కాండము 1 - సూక్తము 33
మార్చుహిరణ్యవర్ణాః శుచయః పావకా యాసు జాతః సవితా యాస్వగ్నిః |
యా అగ్నిం గర్భం దధిరే సువర్ణాస్తా న ఆపః శం స్యోనా భవన్తు ||1||
యాసాం రాజా వరుణో యాతి మధ్యే సత్యానృతే అవపశ్యన్జనానామ్ |
యా అగ్నిం గర్భం దధిరే సువర్ణాస్తా న ఆపః శం స్యోనా భవన్తు ||2||
యాసాం దేవా దివి కృణ్వన్తి భక్షం యా అన్తరిక్షే బహుధా భవన్తి |
యా అగ్నిం గర్భం దధిరే సువర్ణాస్తా న ఆపః శం స్యోనా భవన్తు ||3||
శివేన మా చక్షుషా పశ్యతాపః శివయా తన్వోప స్పృశత త్వచం మే |
ఘృతశ్చుతః శుచయో యాః పావకాస్తా న ఆపః శం స్యోనా భవన్తు ||4||
అధర్వణవేదము - కాండము 1 - సూక్తము 34
మార్చుఇయం వీరున్మధుజాతా మధునా త్వా ఖనామసి |
మధోరధి ప్రజాతాసి సా నో మధుమతస్కృధి ||1||
జిహ్వాయా అగ్రే మధు మే జిహ్వామూలే మధూలకమ్ |
మమేదహ క్రతావసో మమ చిత్తముపాయసి ||2||
మధుమన్మే నిక్రమణం మధుమన్మే పరాయణమ్ |
వాచా వదామి మధుమద్భూయాసం మధుసందృశః ||3||
మధోరస్మి మధుతరో మదుఘాన్మధుమత్తరః |
మామిత్కిల త్వం వనాః శాఖాం మధుమతీమివ ||4||
పరి త్వా పరితత్నునేక్షుణాగామవిద్విషే |
యథా మాం కమిన్యసో యథా మన్నాపగా అసః ||5||
అధర్వణవేదము - కాండము 1 - సూక్తము 35
మార్చుయదాబధ్నన్దాక్షాయణా హిరణ్యం శతానీకాయ సుమనస్యమానాః |
తత్తే బద్నామ్యాయుషే వర్చసే బలాయ దీర్ఘాయుత్వాయ శతశారదాయ ||1||
నైనం రక్షాంసి న పిశాచాః సహన్తే దేవానామోజః ప్రథమజమ్హ్యేతత్ |
యో బిభర్తి దాక్షాయణం హిరణ్యం స జీవేషు కృణుతే దీర్ఘమాయుః ||2||
అపాం తేజో జ్యోతిరోజో బలం చ వనస్పతీనాముత వీర్యాణి |
ఇన్ద్ర ఇవేన్ద్రియాణ్యధి ధారయామో అస్మిన్తద్దక్షమాణో బిభరద్ధిరణ్యమ్ ||3||
సమానాం మాసామృతుభిష్ట్వా వయం సంవత్సరస్య పయసా పిపర్మి |
ఇన్ద్రాగ్నీ విశ్వే దేవాస్తే ऽను మన్యన్తామహృణీయమానాః ||4||
| ←ముందరి అధ్యాయము | అధర్వణవేదము | తరువాతి అధ్యాయము→ |