అధర్వణవేదము - కాండము 11 - సూక్తము 7
| ←ముందరి అధ్యాయము | అధర్వణవేదము (అధర్వణవేదము - కాండము 11 - సూక్తము 7) | తరువాతి అధ్యాయము→ |
ఉచ్ఛిష్టే నామ రూపం చోచ్ఛిష్టే లోక ఆహితః |
ఉచ్ఛిష్ట ఇన్ద్రశ్చాగ్నిశ్చ విశ్వమన్తః సమాహితమ్ ||
ఉచ్ఛిష్టే ద్యావాపృథివీ విశ్వం భూతం సమాహితమ్ |
ఆపః సముద్ర ఉచ్ఛిష్టే చన్ద్రమా వాత ఆహితః ||
సన్నుచ్ఛిష్టే అసంశ్చ ఉభౌ మృత్యుర్వాజః ప్రజాపతిః |
లైక్యా ఉచ్ఛిష్ట ఆయత్తా వ్రశ్చ ద్రశ్చాపి శ్రీర్మయి ||
దృఢో దృంహస్థిరో న్యో బ్రహ్మ విశ్వసృజః దశ |
నాభిమివ సర్వతః చక్రముచ్ఛిష్టే దేవతాస్శ్రితాః ||
ఋక్సామ యజురుచ్ఛిష్ట ఉద్గీథః ప్రస్తుతమ్స్తుతమ్ |
హిఙ్కార ఉచ్ఛిష్టే స్వరః సామ్నో మేదిశ్చ తన్మయి ||
అैన్ద్రాగ్నం పావమానం మహానామ్నీర్మహావ్రతమ్ |
ఉచ్ఛిష్టే యజ్ఞస్యాఙ్గాన్యన్తర్గర్భ ఇవ మాతరి ||
రాజసూయం వాజపేయమగ్నిష్టోమః తదధ్వరః |
అర్కాశ్వమేధావుచ్ఛిష్టే జీవబర్హిర్మదిన్తమః ||
అగ్న్యాధేయమథో దీక్షా కామప్రశ్ఛన్దసా సహ |
ఉత్సన్నా యజ్ఞాః సత్రాణ్యుచ్ఛిష్టే ऽధి సమాహితాః ||
అగ్నిహోత్రం చ శ్రద్ధా చ వషట్కారో వ్రతం తపః |
దక్షిణేష్టం పూర్తం చోచ్ఛిష్టే ऽధి సమాహితాః ||
ఏకరాత్రో ద్విరాత్రః సద్యఃక్రీః ప్రక్రీరుక్థ్యః |
ఓతం నిహితముచ్ఛిష్టే యజ్ఞస్యాణూని విద్యయా ||
చతూరాత్రః పఞ్చరాత్రః షడ్రాత్రశ్చోభయః సహ |
షోడశీ సప్తరాత్రశ్చోచ్ఛిష్టాజ్జజ్ఞిరే సర్వే యే యజ్ఞా అమృతే హితాః ||
ప్రతీహారో నిధనం విశ్వజిచ్చాభిజిచ్చ యః |
సాహ్నాతిరాత్రావుచ్ఛిష్టే ద్వాదశాహో ऽపి తన్మయి ||
సూనృతా సమ్నతిః క్షేమః స్వధోర్జామృతం సహః |
ఉచ్ఛిష్టే సర్వే ప్రత్యఞ్చః కామాః కామేన తతృపుహ్ ||
నవ భూమీః సముద్రా ఉచ్ఛిస్టే అధి శ్రితా దివః |
ఆ సూర్యో భాత్యుచ్ఛిష్టే ऽహోరాత్రే అపి తన్మయి ||
ఉపహవ్యం విషూవన్తం యే చ యజ్ఞా గుహా హితాః |
బిభర్తి భర్తా విశ్వస్యోచ్ఛిష్టో జనితుః పితా ||
పితా జనితురుచ్ఛిస్టో ऽసోః పౌత్రః పితామహః |
స క్షియతి విశ్వస్యేశానో వృషా భూమ్యామతిఘ్న్యః ||
ఋతం సత్యం తపో రాస్ట్రం శ్రమో ధర్మశ్చ కర్మ చ |
భూతం భవిష్యదుచ్ఛిష్టే వీర్యం లక్ష్మీర్బలం బలే ||
సమృద్ధిరోజ ఆకుతిః క్షత్రం రాష్ట్రం షడుర్వ్యః |
సంవత్సరో ऽధ్యుచ్ఛిస్త ఇడా ప్రైషా గ్రహా హవిః ||
చతుర్హోతార ఆప్రియశ్చాతుర్మాస్యాని నీవిదః |
ఉచ్ఛిష్టే యజ్ఞాః హోత్రాః పశుబన్ధాస్తదిష్టయః ||
అర్ధమాసాశ్చ మాసాశ్చార్తవా ఋతుభిః సహ |
ఉచ్ఛిష్టే ఘోషిణీరాపః స్తనయిత్నుః శ్రుతిర్మహీ ||
శర్కరాః సికతా అశ్మాన ఓషధయో వీరుధస్తృణా |
అభ్రాణి విద్యుతో వర్షముచ్ఛిష్టే సంశ్రితా శ్రితా ||
రాద్ధిః ప్రాప్తిః సమాప్తిర్వ్యాప్తిర్మహ ఏధతుః |
అత్యాప్తిరుచ్ఛిష్టే భూతిశ్చాహితా నిహితా హితా ||
యచ్చ ప్రాణతి ప్రాణేన యచ్చ పశ్యతి చక్షుషా |
ఉచ్ఛిష్టాజ్జజ్ఞిరే సర్వే దివి దేవా దివిశ్రితః ||
ఋచః సామాని ఛన్దాంసి పురాణం యజుషా సహ |
ఉచ్ఛిష్టాజ్జజ్ఞిరే సర్వే దివి దేవా దివిశ్రితః ||
ప్రాణాపానౌ చక్షుః శ్రోత్రమక్షితిశ్చ క్షితిశ్చ యా |
ఉచ్ఛిష్టాజ్జజ్ఞిరే సర్వే దివి దేవా దివిశ్రితః ||
ఆనన్దా మోదాః ప్రముదో ऽభిమోదముదశ్చ యే |
ఉచ్ఛిష్టాజ్జజ్ఞిరే సర్వే దివి దేవా దివిశ్రితః ||
దేవాః పితరో మనుష్యా గన్ధర్వాప్సరసశ్చ యే |
ఉచ్ఛిష్టాజ్జజ్ఞిరే సర్వే దివి దేవా దివిశ్రితః ||
| ←ముందరి అధ్యాయము | అధర్వణవేదము | తరువాతి అధ్యాయము→ |