పుట:ప్రభావతీప్రద్యుమ్నము (పింగళి సూరన).pdf/93

⁠

శుచిముఖ సంచరించుచు విని యిత్తన్వి             చిత్తంబు వడసి యేఁ జెలిమికలిమి హత్తించుకొనుటకు ననుగుణం బగువేళ             యిదియ యటంచు నూహించి మదిని దగునుపాయంబు వితర్కించి యపుడు య             దృచ్ఛనపోలె నా తెఱవయెదుట

⁠

తే.⁠

నడ్డముగ నల్లనల్లన యరుగుచు సవి మర్శదృష్టినిఁ బలుమఱు మరలి మరలి చిత్రఫలకంబువంక వీక్షించెఁ గొంత సరిగడచుదాఁక నొక వింతసరణి మీఱ.

⁠ 45

క.⁠

అపు డమ్మరాళిచందం బుపలక్షించుచుఁ గపోలయుగ్మము దరహా సపుఁగాంతిఁ దనరఁగా నా చపలేక్షణ తనదుప్రాణసఖి కి ట్లనియెన్.

⁠ 46

క.⁠

కఱదులపులుఁ గిది తా నే మెఱుఁగునొకో తిరిగి తిరిగి యీఫలకముపైఁ బఱపెడుఁ జూడ్కుల నా నా మెఱుఁగుంబోఁడికి మరాళి మృదుమధురోక్తిన్.

⁠ 47

వ.⁠

ఇ ట్లనియె నోపడంతీ నీ పలికినట్ల మాయట్టితిర్యగ్జంతువు లేమియు నెఱుంగమి యథార్థంబ యైనను నేను నీచేతి చిత్రఫలకం బబ్రపడి చూచుటకుఁ గారణంబు వినుము మున్నొక్కచోట నొక్కపురుషుం జూచి తత్సమానరూపుని మఱి యెందునుం గానక యిప్పుడిందు నతనికైవడి దోఁచిన నిది తదీయరూపం బెఱింగి వ్రాసినతెఱంగో యటు గాక యట్టి

⁠