పుట:ప్రభావతీప్రద్యుమ్నము (పింగళి సూరన).pdf/118

శ్రీరస్తు

ప్రభావతీప్రద్యుమ్నము

చతుర్థాశ్వాసము

—————

⁠

రుచిరతరుఁడు విమలా చారధురంధరుఁడు సుకవిసముదయగోష్ఠీ సారస్యపరుఁడు పింగళి సూరనయమరార్యవరుఁడు సురగురుఁ డుక్తిన్.

⁠ 1

వ.⁠

ఆరామవర్తి యైన కుమారోత్తముండు నన్నుం జూచి యోచిలుకలకులభూషణంబ నాకు నీవలన నయ్యెడుప్రయో జనంబు విను మావజ్రపురంబున శుచిముఖి యనురాజ హంసి గలదు దాని నరసి యొక్కలేఖ యందింపవలయు ననియె నే నతని యతిదైన్యాతిభారంబు భావించి కారుణ్య పరవశత్వంబు నొందినదాననై తక్కినయౌగాములు లెక్క సేయక యీకమ్మ హంసి కిచ్చు టింతియ కదా యని కొంచుఁ బోయిన నెంత తప్పు వాటిల్లెడు ననుతలంపున నియ్యకొని యయ్యాకు పతత్రంబులోన లీనంబుగాఁ గట్టించుకొని వచ్చి యిప్పు డప్పువ్వుఁదోఁటలోని కొలంకులు కలహంసకులకల కలాకులంబు లగుటయుఁ దత్కన్యకాపరిచయంబున నున్న నిన్నుఁ బరికించి.

⁠ 2

తే.⁠

ఇచట శుచిముఖ యనుహంసి యీగడ యొక కొంత దొరకునో యంచు నక్కుజమునందు

⁠