పుట:కావ్యాలంకారచూడామణి (విన్నకోట పెద్దన).pdf/57

మ.⁠

అతికుప్యత్పరగండ[1]భైరవమహోద్యత్ఖడ్గ ముగ్రాకృతిన్ బ్రతిపక్షప్రకరంబు నొంచు నలఁచున్ [2]భంగించు దండించు ను ద్ధతి నుగ్గించు వధించు వ్రచ్చు యమదోర్దండప్రచండక్రియా గతి రూపించు నటత్కబంధమయసంగ్రామంబు భీమంబు గాన్.

⁠ 72

భారతి

తే.⁠

భారతీవృత్తి కైనకల్పనము చూడ నర్థ మించుక సుకుమార మై తనర్చు; నల్పమృదువులు హాస్యశాంతాద్భుతములు భారతీవృత్తిచేఁ [3]జెప్పఁబడు నవియును.

⁠ 73

మ.⁠

అతికందర్పము రూప, ముజ్ఝితసుపర్వానోకహరం బీగి, నిం దితచంద్రద్యుతి కీర్తి, గర్హితసురాద్రిస్ఫూర్తి ధైర్యంబు, కుం ఠితకంఠీరవ ముగ్రవిక్రమము, వర్ణింపం జళుక్యావనీ పతి; కీయద్భుతువృత్త మేనృపులకున్ బాటిల్లునే యెచ్చటన్?

⁠ 74

సాత్త్వతి

తే.⁠

సాత్త్వతీవృత్తి నాఁగ నీషత్ప్రగల్భ సార్థరూపిణి; వీరభయానకములు [4]నీషదుక్తి ప్రగల్భసమీహితములు; సాత్త్వతీవృత్తిచే వీని జరుపవలయు.

⁠ 75

మ.⁠

అతిదృప్యత్కరవాలభైరవపతాకాభీలకోలధ్వజా కృతులం జూచినవీరు [5]లుబ్బుదు రొగిన్ గీర్వాణలోకార్థు లై, సతతత్రస్తులు దూలిపోదురు మహాశైలాగ్రకూటార్థు లై, గతవిద్వేషులు విశ్వనాథ వినుతు ల్గావింతు రాత్మార్థు లై.

⁠ 76

—————

కావ్యరీతులు

తే.⁠

అఖిలకావ్యంబులకు రీతు లాత్మ యంత్రు; ప్రాణదశకంబు వానికిఁ బ్రాణ మరియ; ధర సలంకారమతవిభేదముల నవియుఁ బెక్కు, లొక కొన్ని తగ గానిపింతుఁ దెలియ.

⁠ 77

క.⁠

[6]ఈడిత లగు వైదర్భీ, గౌడీ[7]పాంచాలలాటికారీతులు [8]కా వ్యాడంబరకరుణార్థ, క్రీడలఁ జతురాహ్వయములఁ గృతకృత్యులచేన్.

⁠ 78

గుణములు

క.⁠

క్రమమున నౌదార్యశ్లే, షములును సుకుమారతాప్రసాదమధురతా క్రమతార్థవ్యక్త్యోజ, స్సమాధికాంతులును దగు దశప్రాణము లై.

⁠ 79

1. క.గ.చ. భైరవభుజోద్యత్ఖడ్గ
2. క.గ.చ. భంగించు తుండించు
3. క.గ.చ. చెప్పఁబడినయవియు
4. క.గ.చ. ఈషదుక్తప్రగల్భ
5. క.గ.చ. ఉబ్బుదు రనిన్
6. చ. ఈడితమగు
7. క. పాంచాలిలాటికా
8. క. కావ్యాడంబరకరణార్థ