మఱియు ననియతపాదంబు - దండకము
| |
కృతినాది నసహంబు లొండెం దకారంబు లొండెం బ్రకల్పించి యామీఁద నెల్లం దకార
ప్రధానంబు గుర్వంతమై క్రాల నిచ్చానురూపావధిం బేర్మి నిర్మించుచో మించి తత్త
ద్గణవ్రాతమున్ వృత్త్యనుప్రాసధుర్యంబులై యర్థపర్యంబులై మోదితార్యంబులై
సాధుసారస్యహార్యంబులై రీత్యలంకారవంతంబులై పుష్టిమంతంబులై యింపు లంత లత
కింపాఱఁ గల్పింపఁగా దండకంబు న్నమన్మండలం బయ్యె రాజేంద్రకోటీరకోటీతటీ
నృత్యదాజ్ఞాగ్ర్యమాణిక్య విశ్వేశ్వరా విశ్వవిశ్వంభరాధీశ్వరా.
|
|
మఱియు నీవృత్తములు స్వస్థానార్థసమవృత్తములుఁ బరస్థానార్థసమవృత్తంబులు నన రెండుతెఱంగు లయ్యె నది యెట్లనిన:
| క. |
ఛందోవృత్తంబుల సమ, సందర్భము లీడుపడఁగ సముచితనికట
చ్ఛందఃపాదంబుల సర, విం దప్పక యుభయరూపవృత్తము లయ్యెన్.
| 4
|
| క. |
స్వస్థానార్థసమములుఁ బ, రస్థానార్ధసమములు రచనలచే న
ర్థస్థూలత నిరుఁదెఱఁగై, సుస్థిరవృత్తములఁ గృతుల సొంపుల నింపున్.
| 5
|
| గీ. |
మొదలిపాదంబు మూఁడవయదియు పరుపఁ, దద్ద్వితీయచతుర్ధపాదములు నట్ల
సమకవర్ణంబు లైన వృత్తములఁ జెప్ప, స్వపదజాతార్థసమవృత్తసంజ్ఞ వడయు.
| 6
|
నారీప్లుతవృత్తము
| |
దానోదారశ్రమతా గానియుక్తిం, గానంగఁదాజస్థగగప్రసక్తిన్
నూనై చాళుక్యక్షమాపాలరమ్య, స్థానంబు నారీఫ్లుతసంజ్ఞ మయ్యెన్.
| 7
|
రతిప్రియవృత్తము
| |
ఖ్యాతశ్రీమనజరగంబాలుండఁగాఁ ద, ద్గతంబులై జభసజగంబు లొందఁగా
వీతాఘప్రముదితవిశ్వ విశ్వభూపా, కృతిం దలంప నిది రతిప్రియం బగున్.
| 8
|
అజితప్రతాపవృత్తము
| |
సజసాగణావలిఁ బ్రసన్ననభా, గ్రజరపంక్తి నభిరామరూపమై
యజితప్రతాపచెలువారుఁ గృతి, న్విజయవిక్రమణ విశ్వభూవరా.
| 9
|
| గీ. |
వలయుఛందంబు పాదంబుఁ దొలుత నిలిపి, యౌలఛందంబుపాదంబు నౌల నిలిపి
యోలి నెడనెట్టి యీగతి నొనరఁ జెప్ప, వెసఁ బరస్థానసమకార్ధవృత్త మయ్యె.
| 10
|
అందు మనోహరవృత్తము
| |
చాళుక్యనృపాల తజావములం, గలయన్ససపాపరికల్పితమై
మేలొప్పఁగ, జెప్పిన మేదినిలో, విలసిల్లు మనోహరవృత్త మనన్.
|
|
