అయోధ్యాకాండము - సర్గము 88
శ్రీమద్వాల్మీకియరామాయణే అయోధ్యాకాండే అష్టాశీతితమః సర్గః |౨-౮౮|
| వాల్మీకి రామాయణము | ||||||||||
|---|---|---|---|---|---|---|---|---|---|---|
| ||||||||||
తత్ శ్రుత్వా నిపుణం సర్వం భరతః సహ మంత్రిభిః |
ఇంగుదీ మూలం ఆగమ్య రామ శయ్యాం అవేక్ష్య తాం |౨-౮౮-~౧|
అబ్రవీద్ జననీః సర్వా ఇహ తేన మహాత్మనా |
శర్వరీ శయితా భూమాఉ ఇదం అస్య విమర్దితం |౨-౮౮-~౨|
మహా భాగ కులీనేన మహా భాగేన ధీమతా |
జాతో దశరథేన ఊర్వ్యాం న రామః స్వప్తుం అర్హతి |౨-౮౮-~౩|
అజిన ఉత్తర సంస్తీర్ణే వర ఆస్తరణ సంచయే |
శయిత్వా పురుష వ్యాఘ్రః కథం శేతే మహీ తలే |౨-౮౮-~౪|
ప్రాసాద అగ్ర విమానేషు వలభీషు చ సర్వదా |
హైమ రాజత భౌమేషు వర ఆస్త్రరణ శాలిషు |౨-౮౮-~౫|
పుష్ప సంచయ చిత్రేషు చందన అగరు గంధిషు |
పాణ్డుర అభ్ర ప్రకాశేషు శుక సంఘ రుతేషు చ |౨-౮౮-~౬|
ప్రాసాదవరవర్యేషు శీతవత్సు సుగంధిషు |
ఉషిత్వా మేరుకల్పేషు కృతకాంచనభిత్తిషు |౨-౮౮-~౭|
గీత వాదిత్ర నిర్ఘోషైర్ వర ఆభరణ నిహ్స్వనైః |
మృదంగ వర శబ్దైః చ సతతం ప్రతిబోధితః |౨-౮౮-~౮|
బందిభిర్ వందితః కాలే బహుభిః సూత మాగధైః |
గాథాభిర్ అనురూపాభిః స్తుతిభిః చ పరంతపః |౨-౮౮-~౯|
అశ్రద్ధేయం ఇదం లోకే న సత్యం ప్రతిభాతి మా |
ముహ్యతే ఖలు మే భావః స్వప్నో అయం ఇతి మే మతిః |౨-౮౮-~౧౦|
న నూనం దైవతం కించిత్ కాలేన బలవత్తరం |
యత్ర దాశరథీ రామో భూమాఉ ఏవం శయీత సః |౨-౮౮-~౧౧|
విదేహ రాజస్య సుతా సీతా చ ప్రియ దర్శనా |
దయితా శయితా భూమౌ స్నుషా దశరథస్య చ |౨-౮౮-~౧౨|
ఇయం శయ్యా మమ భ్రాతుర్ ఇదం హి పరివర్తితం |
స్థణ్డిలే కఠినే సర్వం గాత్రైర్ విమృదితం తృణం |౨-౮౮-~౧౩|
మన్యే సాభరణా సుప్తా సీతా అస్మిన్ శయనే తదా |
తత్ర తత్ర హి దృశ్యంతే సక్తాః కనక బిందవః |౨-౮౮-~౧౪|
ఉత్తరీయం ఇహ ఆసక్తం సువ్యక్తం సీతయా తదా |
తథా హ్య్ ఏతే ప్రకాశంతే సక్తాః కౌశేయ తంతవః |౨-౮౮-~౧౫|
మన్యే భర్తుః సుఖా శయ్యా యేన బాలా తపస్వినీ |
సుకుమారీ సతీ దుహ్ఖం న విజానాతి మైథిలీ |౨-౮౮-~౧౬|
హా హంతాస్మి నృశంసోఽహం యత్సభార్యః కృతేమమ |
ఈదృశీం రాఘవః శయ్యామధిశేతే హ్యానాథవత్ |౨-౮౮-~౧౭|
సార్వభౌమ కులే జాతః సర్వ లోక సుఖ ఆవహః |
సర్వ లోక ప్రియః త్యక్త్వా రాజ్యం ప్రియం అనుత్తమం |౨-౮౮-~౧౮|
కథం ఇందీవర శ్యామో రక్త అక్షః ప్రియ దర్శనః |
సుఖ భాగీ చ దుహ్ఖ అర్హః శయితో భువి రాఘవః |౨-౮౮-~౧౯|
ధన్యః ఖలు మహాభాగో లక్ష్మణః శుభలక్షమణః |
భ్రాతరం విషమే కాలే యో రామమనువర్తతే |౨-౮౮-~౨౦|
సిద్ధ అర్థా ఖలు వైదేహీ పతిం యా అనుగతా వనం |
వయం సంశయితాః సర్వే హీనాః తేన మహాత్మనా |౨-౮౮-~౨౧|
అకర్ణ ధారా పృథివీ శూన్యా ఇవ ప్రతిభాతి మా |
గతే దశరథే స్వర్గే రామే చ అరణ్యం ఆశ్రితే |౨-౮౮-~౨౨|
న చ ప్రార్థయతే కశ్చిన్ మనసా అపి వసుంధరాం |
వనే అపి వసతః తస్య బాహు వీర్య అభిరక్షితాం |౨-౮౮-~౨౩|
శూన్య సంవరణా రక్షాం అయంత్రిత హయ ద్విపాం |
అపావృత పుర ద్వారాం రాజ ధానీం అరక్షితాం |౨-౮౮-~౨౪|
అప్రహృష్ట బలాం న్యూనాం విషమస్థాం అనావృతాం |
శత్రవో న అభిమన్యంతే భక్ష్యాన్ విష కృతాన్ ఇవ |౨-౮౮-~౨౫|
అద్య ప్రభృతి భూమౌ తు శయిష్యే అహం తృణేషు వా |
ఫల మూల అశనో నిత్యం జటా చీరాణి ధారయన్ |౨-౮౮-~౨౬|
తస్య అర్థం ఉత్తరం కాలం నివత్స్యామి సుఖం వనే |
తం ప్రతిశ్రవం ఆముచ్య న అస్య మిథ్యా భవిష్యతి |౨-౮౮-~౨౭|
వసంతం భ్రాతుర్ అర్థాయ శత్రుఘ్నో మా అనువత్స్యతి |
లక్ష్మణేన సహ తు ఆర్యో అయోధ్యాం పాలయిష్యతి |౨-౮౮-~౨౮|
అభిషేక్ష్యంతి కాకుత్స్థం అయోధ్యాయాం ద్విజాతయః |
అపి మే దేవతాః కుర్యుర్ ఇమం సత్యం మనో రథం |
ప్రసాద్యమానః శిరసా మయా స్వయం |
బహు ప్రకారం యది న ప్రపత్స్యతే |౨-౮౮-~౨౯|
తతోన్రువత్సయామి చిరాయ రాఘవం |
వనేచరం నహ్రుతి మామ్రుపేక్షిత్రుం |౨-౮౮-౩౦|
ఇతి వాల్మీకి రామాయణే ఆది కావ్యే అయోధ్యాకాండే అష్టాశీతితమః సర్గః |౨-౮౮|