461
యుద్ధకాండము
తమ దిక్కు లేమికై - తాలుముల్ మాని
సమశోక పారవ - శ్యముల నిట్లనిరి,
"ప్రాణేశ ! యజుని వ - రంబులచేత
ప్రాణభయంబను - బలుకెందు లేక
ముల్లోకముల దేవ - ముఖ్యులఁ గెలిచి
చెల్లరే ! మనుజుని - చేఁ జావవలసి
మన విభీషణుబుద్ధి - మార్గంబు వినిన
జనక నందనఁ దెచ్చి - చలపట్టి యునిచి
కొలిచిన వారలఁ - గొడుకుల హితులఁ
గులమెల్ల రామాస్త్ర - కోటి ద్రుంచితివి 10510
తపనవాయువులంటఁ - దలఁకెడు తమ్ము
గపులీడ్చుకొని పోవఁ - గావలేవైతి
వొరుల యిల్లాండ్రకు - నొడిసిన నీకుఁ
బరులచే నిట్టి యా - పదలు రాకున్నె?
తము ననాథలఁ జేయఁ - దలఁచి రాఘవుని
వనిత ననాథగా - వగచి తెచ్చితివి
దైవయత్నము నీకుఁ - దప్పింపరామి
చావఁ బాలైతివి - సమరరంగమున "
అని కురరీపక్షు - లరమిన రీతి
వనితలు వలఁగొని - వాపోవు నంత 10520
-: మండోదరీ విలాపము :-
పట్టపురాణి సౌ - భాగ్య సంపదల
కట్టు కంబము మయు - గారాబు పట్టి