ఈ పుట ఆమోదించబడ్డది
శ్రీ
రాథాకృష్ణ పరబ్రహ్మణేనమః.
క. ఇలవెలఁది మోమునెల నిడు
చెలువపుఁ గెంబొ ట్టనంగ సిరులను బేర్మిన్
వెలిసెడిచెన్నపురంబునఁ
గల రలఘూర్జరులు వర్తకకళా ప్రౌఢుల్ . 1
తే. వారిలో ఖాను దాసాహ్వయార్యుఁ డమల
సత్యమార్గమునఁ గలిమిఁ జాలఁ గూర్చి
దానధర్మైకనిరతుఁ డై దైవభక్తి
బాల కృష్ణుని సేవించి పడసె ముక్తి. 2
క. అతనికిఁ గుశాలుదాసుఁడు
వితరణ గుణశాలి సాధువిప్రుల నెలమిన్
సతతముఁ బ్రోచెడిపుత్త్రుఁడు
కుతుకంబెదఁ బెనగొనంగఁ గూర్మి జనించెన్. 3
ఉ. వెన్నునినంజతమ్ములను వీ డనిబత్తిని డెందతామరన్
సన్నుతి సేసి సజ్జనుల సర్వవిధంబుల నాదరించి య
త్యున్నతగౌరవస్థితుల నొంది చతుర్భుజదాసు పుత్త్రునిన్
గన్నకుశాలుదాసునకు క్ష్మాతలమం దొరు లెన్న సాటియే? 4
