పుట:Kokkookamu.pdf/204

సీ.⁠

శైవాగమము వైద్యసంహితయును మన్మ                  థాగమములును శబ్దార్ణవంబు నొడ్డామరంబును నొడ్డికమును హార                  మేళనంబును నాదిమీననాథ కచ్ఛపుటాది నాగార్జునమతములఁ                  బరికించి బహువిధభంగులైన మంత్రౌషధక్రియామతములు తత్ప్రయో                  గంబుల నెఱిఁగి యాక్రమము దెలిసి

⁠

గీ.⁠

సకలజనసమ్మతంబుగా సంఘటించి పురుషులకుఁ గాంతలకుఁ బరస్పరగుణాను రాగభూషణమైన యీరతిరహస్య తంత్ర మెఱిఁగింతు సంక్షేపతరనిరూఢి.

⁠

తా.⁠

శైవాగమము, వైద్యసంహిత, మన్మథాగమము, శబ్దార్ణవము, ఒడ్డా మరము, ఒడ్డికము, హారమేళము, నాగార్జునము, మొదలగు పుస్తకములనుండి యనేకవిధములగు మంత్రౌషధక్రియలను వానియుపయోగముల నెఱింగి సర్వజను లును దెలుసుకొని పురుషులు స్త్రీలు యొకరిపై యొకరు ప్రేమగలిగియుండుటకు సంక్షేపముగా యీరతిరహస్యతంత్రము నెఱింగించుచున్నాడను.

⁠

శ్లో.⁠

వేగాదీని తదంగాన్యప్యంగీకుర్వతే ద్విధా వృద్ధాః। తస్య తదంగానామితి మంత్రౌషధవిధయ ఉచ్యన్తే॥

⁠

క.⁠

మంత్రౌషధంబు లనఁగాఁ దంత్రజ్ఞలు వీనిఁ దెలిసి తాత్పర్యమునన్ మంత్రింతురు గావున నీ మంత్రపువిధిఁ జెప్పి పిదప మందు వచింతున్.

⁠

తా.⁠

మంత్రౌషధములనిన తంత్రముల నెఱింగినవారు వీనిని తెలిసికొని దృఢాభిప్రాయమున మంత్రింతురు. కనుక మంత్రములను తెలిపి పిదప మందు లను గుఱించి చెప్పెదను.

⁠