ఈ పుట అచ్చుదిద్దబడ్డది
140
ఇంద్రాణీ సప్తశతీ
శ. 5.
13. వ్యాపకత్వ కల్పితం విశాలం
దేశమేవ శక్తిభాగ మాహుః |
బుద్ధిశాలి నో౽దితం సవిత్రీం
యాపరైర్విచక్షణై స్మృతా ద్యౌః ||
14. నిత్యమోద రూపశక్తిభాగం
పండితాః ప్రకీర్తయంతి భద్రాం |
ఉక్తిభేద చాతురీ ప్రలుబ్ధాః
సూరయః పరే శివాం జగుర్యాం ||
15. వీర్యరూపభాగ ఏవ గణ్యః
పండితై శవస్యభాణిశక్తేః |
ఓజసో న సో౽తిరిచ్య తేంశో
భిద్యతే తతోన వజ్ర ముగ్రం ||
16. వజ్రమేవ భాషయా ప రేషా
ముచ్య తే ప్రచండ చండి కేతి |
యద్విభూతిలేశ చుంబితాత్మా
జీయతేన కేనచి త్పృథివ్యాం ||
17. సర్వతోగతి శ్శచీతి శక్తిః
కీర్త్యతే బుద్ధై రుదారకీర్తిః |
సర్వభాగ వాచకం పదం తే
పావనం పురాతనం ప్రియం నః ||
18. యశ్శచీతి నామకీర్తయే న్నా
పుష్క రేణ తే శరీరవత్యాః
దివ్యసుందరీ తనో రుతాహో
తం పరాభవేన్న దేవి పాపం ||