ఈ పుట అచ్చుదిద్దబడ్డది
రేకు: 0209-05 గుండక్రియ సం: 03-053 అద్వైతము
పల్లవి:
నీయంతవారు గారు నిండుసామర్థ్యము లేదు
యీ యహంకారపు ముక్తి యీడేరీనా తమకు
చ. 1:
నీ సేవలే సేసి నీ కృప రక్షించఁగాను
ఆసలఁ బొందే ముక్తి అది చాలక
నీ సరివారలై నీవే తామనుకొని
యీసులఁ బొందే ముక్తి యీడేరీనా తమకు
చ. 2:
పొంచిన రాక్షసులెల్ల పూర్వదేవతలమంటా
యెంచుక పట్టిన మదమీ గర్వము
అంచెలఁ గర్మమే సేసే రాయాదేవతలఁ గూర్చి
ఇంచుకంతలోనే ముక్తి యీడేరీనా తమకు
చ. 3:
హరిలాంఛనపు భక్తి కందుకు నొడఁబడరు
సరిరోగికిఁ బథ్యము చవిగానట్టు
గరిమ శ్రీవేంకటేశుఁ గని మననివారికి
యెరవులనే ముక్తి యీడేరీనా తమకు