ఈ పుట ఆమోదించబడ్డది
రేకు: 0292-05 సాళంగనాట సం: 03-534 శరణాగతి
పల్లవి:
ఒకరిఁ గానఁగ నొడఁబడదు మనసు
సకలము హరియని సరిఁదోఁచీని
చ. 1:
అంతరాత్మ శ్రీహరి యతఁ డొకఁడే
జంతువులన్నియు సమములే
బంతులఁ బాత్రాపాత్రము వెదకిన
అంతట హరి దాస్యమేపో ఘనము
చ. 2:
జగమును నొకటే చైతన్య మొకటే
తగిన పంచభూతము లొకటే
నగుతా నెదిరిని నన్నును నెంచిన
మొగి నాపై హరి ముద్రలె ఘనము
చ. 3:
కారు స్వతంత్రులు కడపట నొకరును
యీరీతి నౌఁగాము లిఁక నేలా
శ్రీరమణీపతి శ్రీవేంకటేశుఁడే
కారణము శరణాగతియే ఘనము