ఈ పుట ఆమోదించబడ్డది
రేకు: 0228-04 మలహరి సం: 03-159 శరణాగతి
పల్లవి:
సర్వేశ్వరా నీకు శరణుచొచ్చితి మిదే
వుర్విలోన నేమెంచే వుపమ లేమున్నవి
చ. 1:
వెలయ నేమిటికైనా వెరవకుండేనంటే
యెలమి ధైర్యము నీవియ్యక లేదు
బలిమి చూపెద నేపట్టుననైనా నంటే
చెలఁగి నీవే లోని చేతనాత్మకుఁడవు
చ. 2:
జగములోపల నేనెచ్చరికై వుండేనంటే
అగపడి బుద్ది నీవియ్యక లేదు
పగటు సంసారము భ్రమ విడిచేనంటే
మగటిమిగల నీవు మాయానాథుఁడవు
చ. 3:
కేవల మీ పుట్టుగును గెలిచి వుండేనంటే
ఆవేళ నీవు ముక్తియ్యక లేదు
శ్రీవేంకటేశ్వర నీకు చేకానుకిచ్చేనంటే
లావుసంపదల నీవు లక్ష్మీనాథుఁడవు