ఈ పుట అచ్చుదిద్దబడ్డది
రేకు: 9117-04 లలిత సం: 04-608 దేవుడు-జీవుడు
పల్లవి:
అన్నిటాఁ దాము నతిశయులే
యెన్నఁగ నధికులె యెసఁగఁగను
చ. 1:
పరంపరలగు భవములఁ బొడమియు
చిరంతనుసే జీవులిదే
ధురంధరులే దురిత సుక్కతముల
జరామరణ విశారదులే
చ. 2:
సదా బహుల విషయమత్తులయ్యు
మదాతురులే మనుజులిదే
ముదాసక్తులే మోహవిదూరులే
చిదానందులే చిరయశులే
చ. 3:
భృశం సుఖులే పుణ్యులందరు
సుశాంతాత్ములే శుభమతులే
విశారదులే వేంకటరమణుని
వశంవదులే వరిష్ఠులే