ఈ పుట అచ్చుదిద్దబడ్డది
రేకు: 9034-01 సామంతం సం: 04-553 అధ్యాత్మ
పల్లవి:
లోకములోపల లూటిబెట్టి - ఇది
కైకొని హరి యెరఁగవుగా నీవు
చ. 1:
ములుగుచు వెనకయు ముందరయును నొచ్చి
పలుమారుఁ గుంటెడి వసురము
నెలకొని వెదకేము నిన్నమాపటినుండి
నలిననాభుఁడ కానవుగా నీవు
చ. 2:
భంగించి తొల్లియు బలుమారు గొనిపోయి
దొంగలు విడిచిన తురగము
ముంగిటలేదు యేమూల నొదిగినదో
అంగజపతి అరయవుగా నీవు
చ. 3:
కొంకక యడవి మాఁకులుఁ గంపలు మేసి
బింక మెడలి పారు పెనుమృగము
వేంకటపతి దీని వెదకి కానలేము
సంకె వాయుఁ దేర్చవుగా నీవు