ఈ పుట అచ్చుదిద్దబడ్డది
రేకు: 9029-03 నాట సం: 04-549 వైరాగ్య చింత
పల్లవి:
తనకేఁటి యేతులిందరిలోన
పెనఁగుచు నూరక బిగిసీఁగాక
చ. 1:
మరచెనా తనపాటు మాలజీవుఁడు దొల్లి
కొరమాలి బహుయోనికూపముల
పొరలి హేయములోనె పుంగుడువడి వచ్చి
మొరఁగి తా దొరనంట మురిసీఁగాక
చ. 2:
పాసెనా తనపాటు పాపదేహి తా
గాసిఁ బడిన భంగములెల్ల
చేసిన తనతొంటి చేఁతలన్నియును
మాసెననుచు నిట్టె మలసీఁగాక
చ. 3:
విడిచెనా తన పాపవిధులు ప్రాణుఁడు మున్ను
అడరి మానుష రూప మైనంతనే
చెడక వేంకటపతి సేవించి సకలము
కడుగుకొనెడి బుద్ధి కనవలెఁగాక