ఈ పుట అచ్చుదిద్దబడ్డది
రేకు: 0390-04 సామంతం సం: 04-523 రామ
పల్లవి:
సమసె రావణుఁడు సమరములోపల
అమరులు కడు ముదమందిరి మెరసి
చ. 1:
బెరగిరి రాముని శరముల కసురలు
సురిగిరి పోట్లచురుకునను
తొరిగిరి నెత్తుటఁ దునియలు సేసిన
తిరిగిరి తరుమఁగ దిక్కులకు
చ. 2:
కూలిరి భల్లూకుల ఘోషములకు
వాలిరి వాయుజవాలహతి
వీలిరి యంగదు వివిధనాదముల
తూలిరి సుగ్రీవు దోర్బలమునను
చ. 3:
దాఁగిరి లక్ష్మణు దాకకు నులుకుచు
వీఁగిరి వనచర వితతికిని
పాఁగి శ్రీ వేంకటపతి కృపా రసమునఁ
దోఁగిరి జనులు సంతోసంబునను