ఈ పుట అచ్చుదిద్దబడ్డది
రేకు: 0378-02 పాడి సం: 04-454 దశావతారములు
పల్లవి:
నరసింహ రామకృష్ణ నమో శ్రీ వేంకటేశ
సరుగ నాశత్రుల సంహరించవే
చ. 1:
బావ తిట్లకు శిశుపాలునిఁ జంపిన-
యేవ కోపకాఁడవు నేఁ డెందు వోతివి
నీవాఁడనని నన్ను నిందించి శత్రువును
చావఁగొట్టి వానినిట్టే సంహరించవే
చ. 2:
దాసుని భంగించేటి తరిఁ గస్యఁపుఁ జంపిన
యీసు కోపకాఁడ విపు డెందువోతివి
మేసుల నీలాంఛనాలు మించి నన్ను దూషించే
సాసించి శత్రువును సంహరింపవే
చ. 3:
కల్లలాడి గూబయిల్లు గైకొన్న గద్దఁజంపిన
యెల్లగాఁగఁ గోపకాఁడ వెందువోతివి
యిల్లిదె శ్రీ వేంకటేశ యీ నీ మీఁదిపాటలు
జల్లన దూషించు శత్రువు సంహరింపవే