ఈ పుట అచ్చుదిద్దబడ్డది
రేకు: 0371-04 బౌళిరామక్రియ సం: 04-419 శరణాగతి
పల్లవి:
కలిగె మాకిదె కైవల్యసారము
ఫలించె నాడెదఁ బాడెద నేను
చ. 1:
నీ పాద తీర్థము నీరజ భవుని
పై పై కమండల పానీయము
చేపట్టి శంభుని చిరు జడలలో
దీపించు గంగా తీర్థరాజము
చ. 2:
ఘన నీ నామమె గౌరి నాలికపై
పనిగొన్న మంత్రపాఠము
అనుఁగువాణికి నాదిచదువులఁ
ఔనఁచే మొదలి బీజాక్షరము
చ. 3:
శ్రీ వేంకటేశ్వర చేరి నీ దాసుల
సేవ నా పాలిఁటి జీవనము
ఆవిటించి శరణాగతులకును
త్రోవయైన దిదె దోషహరము