ఈ పుట అచ్చుదిద్దబడ్డది
రేకు: 0368-04 మాళవిగౌళ సం: 04-402 శరణాగతి
పల్లవి:
నారాయణ నిను నమ్మిన నాకును
మేరతో నీపాదమే గతి గలిగె
చ. 1:
చింతా జలధులఁ జిక్కిన దాఁటించ-
నంతట నీ పాద మదె తేప
కాంతల మోహపు కట్లు దెంచఁగ
పంతపు నీ పాద పరశువు గలిగె
చ. 2:
అతిదురితపంక మందినఁ గడుగఁగ
మితి నీ పాదమే మిన్నేరు
రతిఁ గర్మజ్ఞులు రాఁజిన నార్చఁగ
వ్రతము నీపాదమే వానయై నిలిచె
చ. 3:
జిగి నజ్ఞానపు చీఁకటి వాయఁగ
తగు నీ పాదము దయపు రవి
నగు శ్రీ వేంకటనాథ నన్నేలఁగ
మిగులఁగ నీ పాదమే శరణంబు