ఈ పుట అచ్చుదిద్దబడ్డది
రేకు: 0361-06 బౌళి సం: 04-362 వైరాగ్య చింత
పల్లవి:
మానదు మతిమఱపునుఁ దెలివియు
యేనింక దైవమ యేమిసేయుదును
చ. 1:
సకల పురాణాలు శాస్త్రాలు విని విని
వొక వేళ సుజ్ఞాన మొదవును
వికటమై యంతలో విషయసుఖము గని
ఆకట కమ్మర బుద్ధి నవే కతలు
చ. 2:
పలు దుఃఖముల బాధఁబడు వారిఁ బొడగని
పలికి సంసారముపై రోసును
నలవంక సిరులలో నటియించువారిఁ జూచి
తలఁచి యాసలవెంటాఁ దగులు నంతటను
చ. 3:
యెడప కలమేల్మంగ యీ రీతి నిన్నునే
బడి బడి యలసి తిట్టె పైపై నింక
చిడుముడి నీ మీఁద శ్రీ వేంకటేశ్వర
తడవి యిట్లదయ దలఁచ కుండినను