రేకు: 0340-06 శంకరాభరణం సం: 04-237 కృష్ణ
పల్లవి : |
ఏఁటి బిడ్డఁ గంటివమ్మ యెశోదమ్మ
గాఁటపు దేవతలెల్లఁ గాచుకున్నా రితని
|
|
చ. 1: |
చెక్కుమీఁటి పాలువోయి చేరి నోరు దెరచితే
పక్కుననుఁ బొడచూపె బ్రహ్మాండాలు
అక్కున నలముకొంటే సంగజతాపము మోఁచె
మక్కువకు వెరతుము మాయపు బాలునికి
|
|
చ. 2: |
పొత్తులలో నుండఁగానె భుజాలు నాలుగుదోఁచె
యిత్తల బాలునికేవి యిటువంటివి
యెత్తుకొన్న వేకమై యెవ్వరికి వసగాఁడు
హత్తిచూడ వెరతు మీ యారడిబాలునికి
|
|
చ. 3: |
తేఱి వీనితోడిముద్దు దేవలోకము పనులు
మీఱి యేవి చూచినాను మితిలేనివి
ఆఱడిగొల్లెతలము అట్టె కూడి యాడితిమి
వేఱు సేయ వెరతు శ్రీవేంకటాద్రిబాలుని
|
|