ఈ పుట అచ్చుదిద్దబడ్డది
రేకు: 0262-3 సామంతం సం: 09-069
పల్లవి:
అప్పటి కప్పటి మాట లంతె చాలు
యిప్పుడు కాలు దాఁకించ నేల మొక్క నేల
చ. 1:
కూరవండి కసవేరె గుణము లోలో నేల
యేరా నిన్నుఁగూడి పాసె యెగపోఁ తేలా
నీరువట్టుగొని యిట్టె నెయ్యైనాఁ దెమ్మన నేల
సారె నీవు రానప్పటి చలిమందు లేలా
చ. 2:
జాగరము సేయనేల సరిగా నిద్రించ నేల
వేడి నే వేఁగినందుకు వెంట రా నేల
యీగతి నడుసు చొర నేల కడుగఁగనేల
భోగించి నీకు నేపొద్దు బుద్ది చెప్పనేల
చ. 3:
ఆకడఁ బంతము లేల అట్టె పందతన మేల
చేకొని గో రంటనేల సిగ్గువడ నేల
మేకుల శ్రీ వెంకటేశ మేలు నన్ను భ్రమయించి
పైకొని కూడితి వింక బా సడుగ నేల