ఈ పుట అచ్చుదిద్దబడ్డది
రేకు: 0262-2 భైరవి సం: 09-068
పల్లవి:
ఆపాటి కాపాటి అందుకేమె
యీపని సరికి సరి యిందు కేమె
చ. 1:
యిదె తన మోవిఁగెంపు లెక్కఁ జూచి నా కన్నుల
కదనఁ గెంపు లెక్కె నందు కేమె
చెదరెఁ గురులు దననుదిటి పై నా చిత్త
మెదుటనె చెదరెఁ బో యిందు కేమె
చ. 2:
వన్నెలఁ దా ముడిచినవాడుఁ బువ్వు లటు చూచి
అన్నువ నా మోము వాడె నందుకేమె
పన్ని చిట్లుగందాల భావము చూచి నా మాట
లిన్నియుఁ జిటులు మనీ నిందు కేమె
చ. 3:
సేయఁగల వెల్లఁ జేసి చేరి నన్నుఁ గూడఁగాను
ఆయెడ నేనుఁ గూడితి నందు కేమె
పాయపు శ్రీ వెంకటపతి మేను నామేను
యీయెడ నేకము లాయ నిందు కేమె