ఈ పుట అచ్చుదిద్దబడ్డది
రేకు: 0256-2 సాళంగం సం: 09-032
పల్లవి:
నేఁ దన్నుఁ గైకోని నేర మిందేదే
యీదెఁ దనమంచ మెక్క నైతినా
చ. 1:
అలుకేదె జలుకేదె ఆకెయింటనుండ నన్ను
సొలసి చూచిన మారుచూడునా నేను
యెలమిఁ గోప మిందేటి దిద్దరు ముచ్చటలాడ
వెలినుండి యిన్నియును విననైతి నటవే
చ. 2:
కుచ్చితపున సణఁ గేదె గొణఁ గేది నాయందు
నచ్చుఁ దనమోవి చూచి నవ్వ నైతినా
కెచ్చురేఁగి కపటాలు గిపటాల కేది యెడ
రచ్చఁ దనసేఁత లెల్ల మెచ్చనైతినా
చ. 3:
వేస టేది వోస టేది వింతచెలి విడిపంచి
గోస నాసచేసి తన్నుఁ గూడనా నేను
లాసిన శ్రీవెంకటేశు లాగు లెల్లఁ గనుఁగొని
యీసడముదీర వుర మెక్క నైతినా