ఈ పుట అచ్చుదిద్దబడ్డది
రేకు: 0294-6 కాంబోది సం: 09-264
పల్లవి:
ఎఱఁగవుగాక నీవు యిందరివలెనా నేను
గుఱుతైన చేఁతచెప్పఁ గూళలున్నారా
చ. 1:
పచ్చిగా నిన్నుఁ గూడించి పంత మాడేదాననా
తచ్చి గుట్టు సేసి దాఁచేదానఁగాక
యిచ్చల సిగ్గువడి నాకేల వెరచేవు నీవు
ముచ్చట బాయిటవేసే మూఢులున్నారా
చ. 2:
మాటలు వెలుచుక ఆ మర్మా లెత్తేదాననా
తాటించి కప్పుకవచ్చేదానఁగాకా
గాఁటాన నన్నుఁజూ చేల కడుఁ దలవంచేవు
కూటమి ఱట్టుసేయను గొల్లదాననా
చ. 3:
వెలి నిన్ను మరిగించి వెంటఁ దిప్పేదాననా
తలఁగక యెనసుండేదానఁగాకా
యెలమి శ్రీవెంకటేశ యిట్టె పొందేల లోఁగేవు
యెలయించి నిన్ను నవ్వేయెడ్డలున్నారా