ఈ పుట అచ్చుదిద్దబడ్డది
రేకు: 0289-6 దేసాళం సం: 09-234
పల్లవి:
నిన్నటి మొన్నటికాఁక నేఁ డేఁటికే
యెన్నికెతో రమణుఁడ యియ్యకో లైతివి
చ. 1:
మక్కువ నాపైఁజల్లి మన్ననలు నించితివి
యెక్కడి సుద్దులు నీకు నేమి చెప్పేము
చెక్కులూనుఁ బులకించె చేతు లిట్టె చెమరించె
వెక్కసాననె నిన్ను వెంగెమాడ నేఁటికే
చ. 2:
మెచ్చి నన్నుఁ బొగడుచు మీఁదఁ జేయి వేసితివి
మచ్చరాలుఁ గపటాలు మానితి మిఁక
పచ్చడము గప్పఁగాను భావ మెల్లఁ గరఁగితి
కొచ్చి కొచ్చి యిఁక నిన్నుఁ గొర నేమిటికే
చ. 3:
కన్నుఁ గొనలనె నవ్వి కాఁగిట నన్నుఁ గూడితి
వెన్నెని సంతోసాలు యిఁక నెంచేము
వున్నతి శ్రీవెంకటేశ వొద్దికైతి మిద్దరము
పన్నుకొని వాసిరేఁచే పంతము లేమిటికే