ఈ పుట అచ్చుదిద్దబడ్డది
రేకు: 0286-5 ముఖారి సం: 09-215
పల్లవి:
ఎఱఁగని యాఁటదయితే యిది నిజమంటా నమ్ము
నెఱయ మాతో నిజమే నెరపవలయురా
చ. 1:
యెదుటనె వలపు యింటికాడ బులుపు
వదల కేడ నేరిచి వచ్చితివిరా
పెదవులపై మాట బిగువులలో తేట
సదరమై నీకెపుడు సాజమే కదరా
చ. 2:
చెనకితే సిగ్గులు చేఁతలనే యెగ్గులు
ననుపున రెండూ నెట్టు నడపేవురా
మునుపనె మొక్కులు మోచి వచ్చితె తెక్కులు
పొనిగి నీవు పుట్టఁగఁ బుట్టినవే కదరా
చ. 3:
మెచ్చితేనె మేకులు మీరితేనె కూకులు
యిచ్చకొలఁది నడతు వేమందురా
ముచ్చట శ్రీవెంకటేశ ముంచి నన్నుఁ గూడితివి
చెచ్చెరఁ బరులకైతె సేతువు మాయలురా