ఈ పుట అచ్చుదిద్దబడ్డది
రేకు: 0278-1 ఆహిరి సం: 09-163
పల్లవి:
నిలుచున్నాఁ డాతఁడు నివ్వెరగంది నీవు
సళుపుఁ జూపుల నేల సాదించేవే
చ. 1:
చనవుసేసుక నీవు సణఁగులు చల్లితేను
ననుపు సేసు కతఁడు నవ్వు నవ్వెను
పెనచి సరికిసరె బేసిగాదు నీవేల
వెనకటి నేరాలెంచి విడనాడేవే
చ. 2:
నిందలువేసి నీవు నేరము లెంచితేను
కందువలంటి యతఁడు కళరేఁచెను
యిందుకు నందుకు నీడె యీఁతకంటె లోతులేదు
మందెమేళాన నింకేల మచ్చరించేవే
చ. 3:
వావులుచూపి నీవు వలపించి కూడితేను
మోవులుచూపి యితఁడు మోహింపించెను
నీవు నాతఁడు నొక్కటే నేమె మీఁదమిక్కిలి
శ్రీవెంకటేశుఁడె తాను చిమ్ములురేఁచకువే