ఈ పుట అచ్చుదిద్దబడ్డది
రేకు: 0253-2 ముఖారి సం: 09-014
పల్లవి:
ఏలే చెలియ యీ యింతుల కెల్ల
సోలగిలి నీ చనవు చూపవలెనా
చ. 1:
మిక్కిలి యాతఁడు నీపై మేలు గలఁడంటానె
వెక్కసాన నిందరిలో విఱ్ఱవీఁగేవు
చక్కనివిభుఁడు నీ జవదాఁట కుండితేనె
తక్కక నీ వొకతెవే దక్కఁ గొంటివా
చ. 2:
మనసి చ్చాతఁడు నిన్ను మన్నించె నంటానె
యెనలేక యిందరి నీ వేలఁ జూచేవు
ఘనమైన మోహపుకాంత నవుదు నంటానె
గునియుచు సారె నాడుకొనవలెనా
చ. 3:
అన్నిటాఁ బట్టపురాణి వైతె నవుదువు గాక
వెన్నుఁడు శ్రీవెంకట విభునికిని
వన్నెలు చూపవలెనా వడి నీ సవతులకుఁ
బన్నియాతఁడును నీవె బ్రదుకరమ్మా