ఈ పుట అచ్చుదిద్దబడ్డది
రేకు: 0269-5 కాంబోది సం: 09-113
పల్లవి:
విడు విడరే యీ విధ మేల సతి
బడి బడి నేఁటికి భ్రమయించేరే
చ. 1:
కామాతురమున కలిగిన కాఁకలు
ఆమని పన్నీట నారీనా
నేమపు నీరువట్టు నేతఁ దీరునా
కామిను లేఁటికిఁ గారించేరే
చ. 2:
చిత్తములోపలి చింతలచీఁకటి
యెత్తిన దీపాల నెడసీనా
గుత్తపుటాకలి గుక్కిళ్లఁ దేరునా
యిత్తల సతి నే లేఁచేరే
చ. 3:
శ్రీవెంకటపతిఁ జెందెటి యాసలు
తావుఁ గుంటెనలఁ దనిసీనా
యీవేళనె చెలి నితఁడు గూడెను
నావల మీ రేల నవ్వేరే