ఈ పుట అచ్చుదిద్దబడ్డది
రేకు: 0268-6 సామంతం సం: 09-108
పల్లవి:
పోపో నీ పోలికలు పోలుచకురా అయితే
నీ పోలికలసాటె నే నయ్యేనే
చ. 1:
పాముపడుకవాఁడ పట్టకురా ఆ
పామువంటి యారు నీకుఁ బాయదు గదే
గామిడి చక్రమువాఁడ కదియకురా వో
చామ నీ పిఱుఁదు ఘనచక్రము గాదా
చ. 2:
నెమలిచుంగులవాఁడ నిలు నిలరా ఆ
నెమలినడపు లెల్లా నీకు లేదటే
తమి సంకుఁ బేరివాఁడ తడవకురా
అమరె నీ మెడ శంఖ మదె కదవే
చ. 3:
కొండపయి శ్రీ వెంకటేశ కొంకనేలరా ఆ
కొండలకు చాలు నీకుఁ గొలఁదె కదే
నిండుఁ గాఁగిటను నన్ను నించితి వవురా
నిండుఁగళలమోము నెలఁతవు గదవే