ఈ పుట అచ్చుదిద్దబడ్డది
రేకు: 0009-4 మాళవశ్రీ సం: 05-053
పల్లవి:
దుప్పటెల్లా జవ్వాదినే తొప్పఁదోఁగె నీకడనే
వొప్పదా యింతేసి నీకు వో వలపా
చ. 1:
ఉత్తలపు విరహన నుడుకుచు వయసు మీఁ-
దెత్తినది సతి నీకు నిందుకొరకా
వత్తునని విచ్చేసి వనితల కుచముల
వొత్తగిలి వున్నాఁడ వోహో వలపా
చ. 2:
నిదుర గంటకి రాక నెలఁత పానుపుమీఁద-
నెదురు చూచీ నీకు నిందుకొరకా
ముదితల కౌఁగిట ముంచిన కస్తూరి నీకు
వుదిరెడి వురమున నో వలపా
చ. 3:
కన్నుల కలికి నింత కరఁగించి కవుఁగిట
ఎన్నిక సేసితివి నీ విందుకొరకా
చిన్ని చిన్న నగవుల శ్రీవేంకటేశ నీ-
వున్నాఁడవొరపులై వోహో వలపా