ఈ పుట అచ్చుదిద్దబడ్డది
రేకు: 0092-4 కాంబోది సం: 05-365
పల్లవి:
వలుపేడఁ గలిగెనే వామలోచనకు దీని
వలపించినటువంటివాఁ డింకనెవ్వఁడో
చ. 1:
సిరులు గల మోమెల్ల చిరునవ్వుగనుదోయి
విరివైన వురమెల్ల వేఁకమైన గుబ్బలు
తరుణికి వెనకెల్లఁ దురుము పిఱుఁదులును మంచి-
నిరతంపు నడపెల్ల నిండుమురిపెములు
చ. 2:
జలజాక్షినిలువెల్ల చక్కఁదనముల పోగు
కలికితనమెల్లఁ గన్నులపండువు
కలకంటివయసెల్ల గడుఁ గోమలము దీని-
పలకుఁదేనియలెల్ల పంచదారకుప్పలు
చ. 3:
చెలువైన మోవెల్ల చిలుకవోట్లు దీనిఁ
కలదేహమింతయునుఁ గస్తూరివాసనలు
అలరించెఁ దిరువేంకటాధీశ్వరుఁడు దీ ని-
తలఁపెల్ల విభునిలో దాఁగున్న కరువు