ఈ పుట అచ్చుదిద్దబడ్డది
రేకు: 0082-4 రామక్రియ సం: 05-304
పల్లవి:
చూడరమ్మ యిటువంటి సుదతులు లేరెందు
యేడనైన నిటువంటి యింతులు వుట్టుదురా
చ. 1:
ముదితనడపులలోని మురిపెమే వెయిసేసు
కొదమగుబ్బలతీరు కోటివేలు సేసు
సుదతిబిత్తరిచూపు సొన్నాటంకాలే సేసు
అదరబింబముతీరు ఆరువేలు సేసు
చ. 2:
సన్నపు నడుము లోని సైకమే లక్షసేసు
పన్నుగాఁ బిరుఁదువన్నె పదివేలు సేసు
యెన్నిక మెఱుఁగుఁదొడలెంతధనమైనఁ జేసు
నున్నఁగా దువ్వినకొప్పునూరువేలు సేసునే
చ. 3:
అంగనభాగ్యమెట్టిదో అతిమోహమై తిరు-
వెంగళరాయనికృప వేవేలు సేసునే
బంగారుచవికెలొఁ బడఁతిఁ గూడిన సొంపు
రంగుగాఁ జెలియరూపు రాజ్యమెల్లఁ జేసునే