ఈ పుట అచ్చుదిద్దబడ్డది
రేకు: 0077-1 వరాళి సం: 05-271
పల్లవి:
మోపుల చిగురుల చిమ్ముల వేదము
ఆవుల మందలలోని ఆవేదము
చ. 1:
మంచముపైఁ జదివేది మరవకుమీ
కొంచెపు లేఁబలుకుల కొనవేదము
పించెపు శిరసుతోడఁ బిన్ననాఁడే చదివిన
తుంచి తుంచిన మాటల తొలువేదము
చ. 2:
చల్లలమ్మే గొల్లెతల చక్కనిజంకెనలకు
గొల్లపల్లెలోన దొరకొన్న వేదము
తల్లిబిడ్డలనక యందరినొక్కవావిగా
పిల్లఁ గోవి నేరిపిన పెనువేదము
చ. 3:
పంకజభవాదుల బడిబడిఁ జదివించే
లంకెలు చెలఁగిన మేలపువేదము
వేంకటనగముమీఁద వెలయ నిందిరఁగూడి
కొంకక చదివిన చొక్కుల వేదము