ఈ పుట అచ్చుదిద్దబడ్డది
రేకు: 0003-5 కాంబోది సం: 05-016
పల్లవి:
పొద్దు వొద్దుకును వలపుల నేఁచేవు వద్దు
బుద్దిగాదు నీకు నేఁప భువనమోహినిని
చ. 1:
అప్పుడు మా విన్నపము లాలకించఁ బొద్దులేక
యిప్పుడు విచ్చేసినాఁడవిఁక నైనాను
చెప్పరాని విన్నియును చిత్తగించి చూతు గాని
చప్పర మంచములోని చక్కని కోమలిని
చ. 2:
అలసి మాతోడ మాటలానతియ్య వేళగాక
యెలయించ వచ్చినాఁడ వింతలోననే
సొలపు మాటలు గావు చూడు నీవే మేడమీఁద
చెలులపైనొరగిని జిగి గుబ్బలాఁడిని
చ. 3:
వేఁగెడి రమణిఁ జూచి వేగినంతకు రావైతి
మాఁగెఁగా యింతట నీ మనసైనాను
వేఁగు వచ్చెనా నీకు వేంకటేశ కృపఁజూడు
కాఁగిట నవధరించు కన్నుల కలికిని