ఈ పుట అచ్చుదిద్దబడ్డది
రేకు: 0002-5 ఆహిరి సం: 05-010
పల్లవి:
ఇంత మమ్మిట్లా నెలయించకురా నీ
పంతములన్నియు బార బట్టింతునోరి
చ. 1:
అతిరాజసపు మాటలాడకురా యే-
కతమైన నాచేతఁ గడు నొత్తువోరి
ఇతరులవలె నన్ను నెంచకురా నీఁ
మతి చొచ్చి నీమేను మఱపింతునోరి
చ. 2:
చెలఁగుచు గుంపెనలు సేయకురా నీ-
సిలుగు మాటల నిన్నుఁ జిక్కింతునోరి
చలివలపులు మాపైఁ జల్లకురా యీ-
కులుకు గోళ్ళ నిన్ను గుంపింతు -నోరి
చ. 3:
జంకెనచూపులఁ బగ చాటకురా నే-
నింక నిన్నుఁ బోనియ్య నెంతైన నోరి
లంకెల నీ పొందులు దలఁచకురా తిరు-
వెంకటేశ నానేరుపు వెచ్చింతునోరి